ఏ సినిమా పరిశ్రమలో అయినా…హీరోపై, హీరోయిన్స్ పై రూమెర్స్ సహజమే. అయితే మన టాలీవుడ్ విషయానికి వస్తే అది కాస్త ఎక్కువ. అయితే టాలీవుడ్ లో టాప్ ఫ్యామిల్లో ఒకటి అయిన మెగా ఫ్యామిలీ చుట్టూ ఇబ్బందులు తలెత్తుతూ ఉన్నాయి. మొన్నటికి మొన్న అల్లు అర్జున్ పవన్ కల్యాణ్ పై మాట్లాడిన మాటలను ఎవరికి వారు ఇష్టం వచ్చినట్లుగా రాసుకున్నారు. ఇక మెగాపవర్ స్టార్ రామ్చరణ్ పై అయితే ఆయన కరియర్ తొలి నాళ్ళలో ఎన్నో రూమర్స్ వచ్చాయి. మొదట్లో వాటిపై స్పందించాడు మన వాడు, కానీ మెల్లగా విషయం అర్ధం చేసుకుని వదిలేసాడు.
ఇదిలా ఉంటే తాజాగా మరొక వార్త ఒకటి బయటకు వస్తుంది…వరుసగా రెండు సూపర్ హిట్స్ కొట్టిన ఉత్సాహంతో ఉన్న కుర్ర హీరో సాయి ధర్మ తేజపై కూడా అఫైర్స్ పేరుతో చాలానే రూమర్స్ వస్తున్నాయి. అయితే వాటన్నింటికీ సమాధానం ఇచ్చాడు ఈ కుర్ర హీరో…’ఇలాంటి వాటిపై రియాక్ట్ అయితే.. మనల్ని డిస్టర్బ్ చేసినందుకు వాళ్లు చాలా సంతోషిస్తారు. వాటిని పట్టించుకోకపోతే.. వీటిని కేర్ చేయలేదనే సంతృప్తి ఉంటుంది. పేపర్లు నింపుకోవడానికి రకరకాలుగా రాస్తుంటారు. నేనిక్కడకి పని చేయడానికి వచ్చాను. నన్ను డిస్టర్బ్ చేసే వాళ్ల కోసం కాదు’ అంటూ తన మెగా పవర్ ని మరొక సారి మాటల్లో రుచి చూపించాడు మన మెగా హీరో. ఎంతైనా మెగా స్టార్ మేనల్లుడు కదా…ఆ మాత్రం ఉండాలి!!!
