పవన్ కు నాకు సెట్ కాదు, మావి విరుద్ధ స్వభావాలు- రాజమౌళి

రాజమౌళి లాక్ డౌన్ కారణంగా ఆర్ ఆర్ ఆర్ షూటింగ్ లో పాల్గొనలేని పరిస్థితి. ఆర్ ఆర్ ఆర్ నెక్స్ట్ షెడ్యూల్ గత నెలలోనే పుణేలో మొదలుకావాల్సి ఉండగా కరోనా వైరస్ కారణంగా లాక్ డౌన్ ప్రకటించడంతో ఆగిపోయింది. కాగా ఖాళీగా ఉన్న రాజమౌళి టీవీ ఇంటర్వ్యూలలో పాల్గొంటున్నారు. ఆయన ఆర్ ఆర్ ఆర్ గురించిన విశేషాలతో పాటు, తన నెక్స్ట్ మూవీ సంగతులు, డ్రీం ప్రాజెక్ట్ ముచ్చట్లు పంచుకుంటున్నారు. కాగా రాజమౌళి ఇండస్ట్రీలో ఇప్పటివరకు టాప్ స్టార్స్ తో మూవీ చేయలేదు.

వారిలో ఒకరు మహేష్ కాగా మరొకరు పవన్ కళ్యాణ్. దాదాపు 19 ఏళ్ళు పరిశ్రమలో ఉన్న రాజమౌళి వీరిద్దరితో మాత్రం సినిమాలు చేయలేదు. చేసిన 11 చిత్రాలలో ఎన్టీఆర్, ప్రభాస్ లతో చెరో మూడు చొప్పున ఆరు సినిమాలు వారితోనే చేశారు. ఐతే రాజమౌళి ఆర్ ఆర్ ఆర్ తరువాత మహేష్ తో మూవీ చేస్తున్నట్లు ప్రకటించారు. ఇక మిగిలింది పవన్ కళ్యాణ్ మాత్రమే. ఇదే విషయమై రాజమౌళిని అడుగగా ఆయన ఆసక్తికరంగా స్పందించారు.

పవన్ తో మీరు ఇంత వరకు మూవీ చేయకపోవడానికి కారణం ఏమిటని? అడుగగా, గతంలో నేను పవన్ కళ్యాణ్ ని కలిసి సినిమా గురించి చర్చలు జరిపాను. ఐతే కొన్ని అనివార్య కారణాల వలన అది కార్యరూపం దాల్చలేదు అన్నారు. ఇక ప్రస్తుత పరిస్థితులలో ఆయనతో సినిమా చేయడం అసలు జరిగే పనికాదు. ఆయన రాజకీయాల్లో ఉండడం వలన తక్కువ సమయంలో సినిమా చేయాలంటారు. నేనేమో ఏళ్ల తరబడి సినిమాలు తీస్తాను. ఇలా విరుద్ధ స్వభావాలు కలిసిన మా ఇద్దరికి సెట్ కాదు అని రాజమౌళి చెప్పారు. దీనితో ఎప్పటికైనా రాజమౌళితో మూవీ ఉంటుందని ఆశ పడ్డ పవన్ ఫ్యాన్స్ కి అది జరిగేపని కాదని అర్థంమైపోయింది.

తండ్రికి తగ్గ తనయలు అనిపిస్తున్న డైరెక్టర్స్ కూతుళ్లు!
నిర్మాతలుగా కూడా సత్తా చాటుతున్న టాలీవుడ్ హీరోలు!
టాలీవుడ్ టాప్ హీరోల వరస్ట్ లుక్స్ ఇవే!