యువ హీరోయిన్ల పోటీ ఎక్కువైనా… తట్టుకుని నిలబడి ఇప్పటికీ క్రేజీ ఆఫర్లు తగ్గించుకుంటున్నారు టాలీవుడ్ ముద్దుగుమ్మలు కాజల్, తమన్నా. గ్లామర్ పాత్రల కన్నా కథా ప్రాధాన్యత ఉన్న పాత్రల్ని ఎంచుకుంటూ ముందుకు సాగుతున్నారు. స్టార్ హీరోల సరసన అవకాశాల కోసం ఎదురు చూడకుండా యువ హీరోల సరసనైనా.. అవసరమైతే సీనియర్ హీరోల సరసనైనా చేయడానికి వెనుకాడటం లేదు. వీరిద్దరూ ప్రస్తుతం బాలీవుడ్ క్వీన్ రీమేక్ లో నటిస్తున్న సంగతి తెలిసిందే. వీరిద్దరూ ఇక వీరిద్దరూ నిజజీవితంలో కూడా మంచి స్నేహితులన్న సంగతి తెలిసిందే. ఎప్పుడూ వీరిద్దరూ కలుస్తూనే ఉంటారు.
ఇదిలా ఉండగా.. తాజాగా ఓ ఇంటర్వ్యూలో పాల్గొన్న తమన్నా కాజల్ గురించి కొన్ని ఆసక్తికరమైన కామెంట్లు చేసింది. తమన్నా మాట్లాడుతూ.. “కాజల్ నేను మంచి స్నేహితులం. తనతో కలిసి నటించాలని ఉంది” అంటూ తన కోరికని బయటపెట్టింది. ఈ విషయం పై కాజల్ కూడా స్పందించింది. “తమన్నాతో కలిసి నటించడానికి నేను సిద్ధంగా వున్నాను” అంటూ జవాబిచ్చింది. ఇక తమన్నా తాజా హిందీ చిత్రంగా రూపొందిన ‘ఖామోషి’ ఈ నెల 17న విడుదల కాబోతుంది. మరోపక్క కాజల్ నటించిన ‘సీత’ చిత్రం కూడా మే 24న విడుదల కాబోతుంది.
