ఎన్టీఆర్ పై బయోపిక్ తీస్తానని చెప్పిన బాలకృష్ణ

తెలుగు జాతి గర్వించ దగ్గ నటుడు, తెలుగు కీర్తిని నలుదిక్కులా వ్యాప్తి చేసిన నాయకుడు నందమూరి తారక రామారావు జీవిత చరిత్రను త్వరలోనే సినిమాగా తీస్తానని ఆయన తనయుడు  హిందూపురం ఎమ్మెల్యే, నటసింహ నందమూరి బాలకృష్ణ చెప్పారు. ఈ చిత్రంలో ఎన్టీఆర్‌ గా తానే నటిస్తానని స్పష్టం చేశారు. ఎన్టీఆర్‌ స్వగ్రామమైన కృష్ణా జిల్లా పామర్రు మండలం నిమ్మకూరులో నారా లోకేశ్‌తో కలిసి ఆయన సోమవారం పర్యటించారు. ఈ సందర్భంగా గ్రామంలో 30 పడకల ఆస్పత్రి నిర్మాణానికి భూమిపూజ చేశారు.

అనంతరం బాలకృష్ణ మాట్లాడుతూ.. ఎన్టీఆర్ సినీ పయనంతో పాటు రాజకీయ జీవితాన్ని వెండితెర పైన కళ్లకు కడుతున్నామని వివరించారు. ఇంకా తనకి తెలియని ఎన్టీఆర్ చిన్నప్పటి సంగతులను కూడా సేకరిస్తున్నట్లు తెలిపారు. అంతా రెడీ కాగానే సినిమా సెట్స్ మీదకు వెళుతుందని ప్రకటించారు. అన్ని అంశాలు కలిగిఉండే ఈ చిత్రానికి ఇంకా డైరక్టర్ ఎవరు అనేది నిర్ణయించలేదని బాలకృష్ణ వెల్లడించారు. ఈ విషయం  నందమూరి అభిమానూల్లో ఆనందాన్ని నింపింది.

Also, do SUBSCRIBE to our YouTube channel to get latest Tollywood updates.