టాలీవుడ్ స్టార్ హీరోయిన్ సమంత నటిస్తోన్న లేటెస్ట్ సినిమా ‘యశోద’. ఈ సినిమాను నవంబర్ 11న విడుదల చేయడానికి సన్నాహాలు చేస్తున్నారు. తెలుగుతో పాటు మిగిలిన భాషల్లో కూడా సినిమా విడుదల కానుంది. ఈ సినిమా కథ సైన్స్, సూపర్ నేచురల్ బ్యాక్ డ్రాప్ లో సాగనుంది. ఈ సినిమాకి సంబంధించిన ఓ ఇంటరెస్టింగ్ విషయం బయటకొచ్చింది. ఈ సినిమా కథలో ముకుందన్ అనే వ్యక్తి ఒక మందు కనిపెడతాడట.
అది మనిషి శరీరంలోకి ఇంజెక్ట్ చేస్తే.. చాలా తక్కువ వయసు ఉన్నట్లుగా కనపడడమే కాకుండా.. మనిషి ప్రవర్తనలో కూడా మార్పు వస్తుంది. సినిమా మొత్తం ఈ పాయింట్ చుట్టూ తిరుగుతుందని సమాచారం. ఈ కాన్సెప్ట్ ను ఒక సైకలాజికల్ థ్రిల్లర్ గా రూపొందించారు. ఇటీవల ఈ సినిమాకి సంబంధించిన టీజర్ వచ్చింది. అందులో సన్నివేశాలు ఆసక్తికరంగా అనిపించడంతో సినిమాపై అంచనాలు పెరిగాయి. హరి, హరీష్ అనే ఇద్దరు కొత్త దర్శకులు ఈ సినిమాను రూపొందించారు.
ఇందులో సమంత గర్భవతి పాత్ర పోషిస్తోంది. ఈ సినిమాలో భారీ యాక్షన్స్ సీక్వెన్సెస్ ఉంటాయని తెలుస్తోంది. అందులో ఒకటి ఇంటర్నేషనల్ స్టాండర్డ్స్ లో ఉంటుందని. క్లైమాక్స్ కి ముందు వచ్చే యాక్షన్ సీన్ సినిమాకి హైలైట్ గా నిలుస్తుందట. ఈ సినిమా కోసం సమంత చాలా కష్టపడింది. ఇందులో సమంతతో పాటు వరలక్ష్మి శరత్ కుమార్, ఉన్ని ముకుందన్, రావురమేష్, మురళీ శర్మ, సంపత్ రాజ్ ఇలా చాలా మంది నటులు కీలకపాత్రలు పోషించారు.
మణిశర్మ ఈ సినిమాకి సంగీతం అందించారు. శ్రీదేవి మూవీస్ బ్యానర్ పై భారీ బడ్జెట్ తో ఈ సినిమాను తెరకెక్కించారు. అదే రేంజ్ లో బిజినెస్ కూడా జరిగినట్లు తెలుస్తోంది. రూ.8 కోట్ల టేబుల్ ప్రాఫిట్ కి సినిమాను అమ్మినట్లు సమాచారం.
Most Recommended Video
ఎన్టీఆర్ – సావిత్రి టు చిరు- నయన్.. భార్యాభర్తలుగా చేసి కూడా బ్రదర్- సిస్టర్ గా చేసిన జంటలు..!
తన 44 ఏళ్ల కెరీర్లో చిరంజీవి రీమేక్ చేసిన సినిమాలు మరియు వాటి ఫలితాలు..!
సౌందర్య టు సమంత.. గర్భవతి పాత్రల్లో అలరించిన హీరోయిన్ల లిస్ట్..!
Home