మెగాస్టార్ చిరంజీవి సినీ కెరీర్ లోని బ్లాక్ బస్టర్ హిట్లలో స్టేట్ రౌడీ సినిమా ఒకటనే సంగతి తెలిసిందే. రాధ, భానుప్రియ ఈ సినిమాలో హీరోయిన్లుగా నటించగా బి.గోపాల్ ఈ సినిమాకు దర్శకత్వం వహించారు. మహేశ్వరి పరమేశ్వరి ప్రొడక్షన్స్ బ్యానర్ పై ఈ సినిమా తెరకెక్కగా బప్పి లహరి ఈ సినిమాకు సంగీతం అందించారు. బాక్సాఫీస్ వద్ద ఈ సినిమా ఎన్నో అరుదైన రికార్డులను సొంతం చేసుకుంది. ఈ సినిమా రిలీజైన సమయంలో మొదట ప్రేక్షకుల నుంచి డిజాస్టర్ టాక్ వచ్చింది.
ఈ సినిమాకు మొదట కోదండ రామిరెడ్డి దర్శకుడిగా ఎంపికైనా కొన్ని కారణాల వల్ల ఈ ప్రాజెక్ట్ కు డైరెక్షన్ చేసే ఛాన్స్ బి.గోపాల్ కు దక్కింది. సుబ్బరామిరెడ్డి చిరంజీవితో నిర్మించిన ఏకైక మూవీ స్టేట్ రౌడీ కావడం గమనార్హం. 1989 సంవత్సరం మార్చి నెల 23వ తేదీన ఈ సినిమా థియేటర్లలో విడుదలైంది. నైజాం బయ్యర్లు బ్లాంక్ చెక్కులు ఇచ్చి ఈ సినిమా హక్కులు కొనుగోలు చేయాలని అప్పట్లో ప్రయత్నాలు చేశారు.
సినిమాకు ఫ్లాప్ టాక్ వచ్చినా తొలిరోజు నుంచే ఈ సినిమా కలెక్షన్ల విషయంలో రికార్డులు క్రియేట్ చేసింది. ఈ సినిమా నైజాంలో కోటి రూపాయల కలెక్షన్లను సొంతం చేసుకుంది. ఈ సినిమా రిలీజయ్యే సమయానికి అమితాబ్ బచ్చన్ ఆలిండియా సూపర్ స్టార్ గా ఉన్నారు. అయితే ఆయన సినిమాలను మించి చిరంజీవి నటించిన స్టేట్ రౌడీ కళ్లు చెదిరే స్థాయిలో కలెక్షన్లను సొంతం చేసుకోవడం గమనార్హం. ఆ సమయంలో ట్రేడ్ గైడ్ అనే ఫిల్మ్ మ్యాగజైన్ చిరంజీవి నటించిన సినిమా కలెక్షన్ల వివరాలను ప్రచురించి వేరీజ్ అమితాబ్? అని ప్రశ్నిస్తూ ఆర్టికల్ రాసింది.
వైరల్ అయిన ఆ ఆర్టికల్ ను చదివి హిందీ సినీ ప్రముఖులు సైతం ఆశ్చర్యపోయారని సమాచారం. కమల్, రజినీకాంత్ ఈ సినిమా 100 డేస్ ఫంక్షన్ కు హాజరు కాగా ఈ ఫంక్షన్ గ్రాండ్ గా జరిగింది.
Most Recommended Video
ఒకే ఫ్యామిలీలో రెండు జెనెరేషన్స్ కు చెందిన హీరోలతో జోడీ కట్టిన భామల లిస్ట్..!
‘గాడ్ ఫాదర్’ తో పాటు టాలీవుడ్లో రీమేక్ కాబోతున్న 10 మలయాళం సినిమాలు..!
ఈ 10 సినిమాలు తెలుగులోకి డబ్ అయ్యాక కూడా రీమేక్ అయ్యాయని మీకు తెలుసా..!
