నాగచైతన్య హీరోగా విక్రమ్ కె కుమార్ డైరెక్షన్ లో తెరకెక్కిన థాంక్యూ మూవీ జులై 8వ తేదీన థియేటర్లలో విడుదల కానుంది. దిల్ రాజు ఎన్నో డేట్లను పరిశీలించి చివరకు ఈ డేట్ ను ఫైనల్ చేశారు. రికార్డ్ స్థాయి థియేటర్లలో ఈ సినిమా రిలీజ్ కానుండగా ఈ సినిమాతో చైతన్యకు కచ్చితంగా హిట్ ఇవ్వాలని దిల్ రాజు భావిస్తున్నారు. విక్రమ్ కె కుమార్ కు కూడా ఈ సినిమా సక్సెస్ కీలకమనే సంగతి తెలిసిందే.
అయితే గత రెండు రోజుల నుంచి థాంక్యూ మూవీకి కళ్లు చెదిరే స్థాయిలో ఓటీటీ ఆఫర్లు వస్తున్నాయని సినిమాను ఓటీటీకి ఇవ్వడం దిల్ రాజుకు ఇష్టమైనా నాగచైతన్య అంగీకరించడం లేదని వార్తలు ప్రచారంలోకి వచ్చాయి. ఇప్పటికే థియేట్రికల్ రిలీజ్ డేట్ ను ప్రకటించిన తర్వాత ఓటీటీ వార్తలు ప్రచారంలోకి రావడంతో చైతన్య అభిమానులు ఒకింత టెన్షన్ పడ్డారు. అయితే కరోనా సమయంలో దిల్ రాజు థాంక్యూను ఓటీటీకి ఇవ్వాలని అనుకున్నారని ఇప్పుడు ఆ ఆలోచన లేదని తెలుస్తోంది.
నా ఆటోగ్రాఫ్ సినిమా స్టైల్ లో ఈ సినిమా ఉంటుందని మూవీలో అవికా గోర్ ఎపిసోడ్ హార్ట్ టచింగ్ గా ఉంటుందని ఇండస్ట్రీ వర్గాల్లో వినిపిస్తోంది. లైఫ్ లో తన సక్సెస్ కు తనే కారణమని భావించే ఒక వ్యక్తి ఒక సంఘటన వల్ల తన ఆలోచనలను మార్చుకుని తనకు అప్పటివరకు వేర్వేరు సందర్భాల్లో సాయం చేసిన వ్యక్తులను కలిసి థాంక్స్ చెప్పడమే ఈ సినిమా మెయిన్ పాయింట్ అని సమాచారం అందుతోంది.
ఇప్పటికే ఈ సినిమా నుంచి మారో మారో అనే సాంగ్ రిలీజ్ కాగా ఈ సాంగ్ ప్రేక్షకులను ఆకట్టుకుంది. త్వరలో ఈ సినిమా నుంచి మరిన్ని సాంగ్స్ రిలీజ్ కానున్నాయి. వరుస విజయాలతో జోరుమీదున్న చైతన్య ఈ సినిమాతో భారీ బ్లాక్ బస్టర్ హిట్ ను సొంతం చేసుకుంటారేమో చూడాల్సి ఉంది. చైతన్య ఇండస్ట్రీ హిట్ సాధించేలా కథలను ఎంచుకోవాలని ఫ్యాన్స్ భావిస్తున్నారు.
Most Recommended Video
అభిమాని టు ఆలుమగలు…అయిన 10 మంది సెలబ్రిటీల లిస్ట్..!
‘జల్సా’ టు ‘సర్కారు వారి పాట’.. బ్యాడ్ టాక్ తో హిట్ అయిన 15 పెద్ద సినిమాలు ఇవే..!
చిరు టు మహేష్..సినిమా ప్రమోషన్లో స్టేజ్ పై డాన్స్ చేసిన స్టార్ హీరోల లిస్ట్..!
