దీపముండగానే ఇల్లు చక్కబెట్టుకోవాలి.. ఈ సామెత గుర్తుందా? దీనిని టాలీవుడ్‌లో హీరోయిన్ల కోసం ఎక్కువగా వాడుతుంటారు. అంటే ఫేమ్‌, గ్లామర్‌ ఉన్న రోజుల్లోనే ఎక్కువగా సంపాదించేయాలి. ఆ తర్వాత ఎంత కష్టపడినా అవకాశాలు రావు అని చెప్పడానికి ఆ సామెత చెబుతుంటారు. అయితే ఇదే సామెతను హీరోల కోసం, హీరోల నేపథ్య సినిమాల కోసం వాడొచ్చా? ఏమో టాలీవుడ్‌లో రూపొందబోతున్న ఓ పాన్‌ ఇండియా సినిమా కోసం ఈ సామెత సరిగ్గా సరిపోతుందనే చర్చ నడుస్తోంది.
టాలీవుడ్‌లో ‘గూఢచారి’ సినిమా ఎంతటి విజయం అందుకుందో అందరికీ తెలిసిందే. అప్పుడెప్పుడో వచ్చింది కాబట్టి టాలీవుడ్ సినిమా అయిపోయింది కానీ.. ఇప్పుడొస్తే పాన్‌ ఇండియా సినిమానే. అలాంటి సినిమాకు సీక్వెల్‌ను ఇటలీవల అనౌన్స్‌ చేశారు. పాన్‌ ఇండియా లెవల్‌లో సినిమాను తెరకెక్కిస్తామని కూడా చెప్పారు. అయితే ఇక్కడే ఓ విషయం తెలుస్తోంది. సినిమాకు సంబంధించి ఇప్పటివరకు పూర్తి కథ సిద్ధం కాలేదు. ఆ రోజు అనౌన్స్‌మెంట్‌ సమయానికి ఆలోచన మాత్రమే టీమ్‌ దగ్గర ఉంది అని టాక్‌.
‘మేజర్‌’, ‘హిట్‌ 2’ సినిమాల విజయం ఊపులో అడివి శేష్. ఈ రెండు సినిమాలతో పాన్‌ ఇండియా లెవల్‌లో శేష్ పేరు ఎక్కువగా వినిపిస్తోంది. ఈ సమయంలో సినిమాను అనౌన్స్‌ చేస్తే ఉపయోగం ఎక్కువగా ఉంటుంది అని అనుకుని.. ‘గూఢచారి 2’ ప్రకటన చేసేశారట. సినిమా సెట్స్‌ మీదకు వెళ్లేలోపు లుక్‌లు, లీక్‌లు, పుకార్లతో సినిమా ప్రజల నోళ్లలో, మీడియా మాటల్లో ఉండేలా చూసుకోవాలి అనుకుంటున్నారట. సినిమా సెట్స్‌ మీదకు వెళ్లడానికి ఇంకా చాలా సమయం పడుతుందని టాక్‌.
ప్రస్తుతం సినిమా దర్శకుడు వినయ్‌ కుమార్‌ సిరింగినీడి, శేష్ ఇంకా టీమ్‌ కథ పనిలో బిజీగా ఉన్నారట. దాంతోపాటు అఖిల్‌ ‘ఏజెంట్‌’, నిఖిల్‌ ‘స్పై’ సినిమాలు వచ్చాక.. ఆ సినిమాల్లోని పాయింట్లు, షేడ్స్‌ ‘గూడఛారి’లో లేకుండా జాగ్రత్తపడాలని అనుకుంటున్నారట. అవన్నీ రావడానికి, ఈ పనులు అవ్వడానికి టైమ్‌ పడుతుంది కాబట్టి.. ముందుగానే అనౌన్స్‌ చేసేశారని సమాచారం
రైటర్‌ పద్మభూషణ్‌ సినిమా రివ్యూ & రేటింగ్!
రెబల్స్ ఆఫ్ తుపాకుల గూడెం సినిమా రివ్యూ & రేటింగ్!
మైఖేల్ సినిమా రివ్యూ & రేటింగ్!
టాలీవుడ్ లో రీమిక్స్ చేసిన 20 తెలుగు పాటలు ఇవే!
