స్టార్ హీరో మహేష్ బాబు, స్టార్ డైరెక్టర్ రాజమౌళి కాంబినేషన్ లో ఒక సినిమా తెరకెక్కనున్న సంగతి తెలిసిందే. మహేష్ పుట్టినరోజు సందర్భంగా రాజమౌళి సినిమాకు సంబంధించి ఎలాంటి అప్ డేట్ రాలేదు. ఈ కాంబోలో మూవీ పట్టాలెక్కడానికి చాలా సమయం ఉండటంతో ఈ సినిమాకు సంబంధించి అప్ డేట్ రాలేదని తెలుస్తోంది. రాజమౌళి సైతం ఒక సినిమా పూర్తయ్యే వరకు మరో సినిమాపై దృష్టి పెట్టరనే సంగతి తెలిసిందే.
మహేష్ తన పుట్టినరోజు సందర్భంగా రాజమౌళి సినిమా గురించి స్పందిస్తూ ఆసక్తికర వ్యాఖ్యలు చేశారు. తన అభిమానులతో పాటు అందరూ తను హీరోగా రాజమౌళి డైరెక్షన్ లో సినిమా వస్తే చూడాలని కోరుకుంటున్నారని మహేష్ బాబు అన్నారు. తన సినీ కెరీర్ లో రాజమౌళి దర్శకత్వంలో తెరకెక్కే సినిమా ఎంతో స్పెషల్ అని మహేష్ కామెంట్లు చేశారు. రాజమౌళి డైరెక్షన్ సినిమా షూటింగ్ మొదలుకావడానికి ఇంకా సమయం ఉందని మహేష్ అన్నారు.
ప్రస్తుతం ఈ సినిమాకు సంబంధించిన ఏ విషయాన్ని బయటపెట్టలేమని మహేష్ చెప్పుకొచ్చారు. అయితే ఈ సినిమా మరో బాహుబలి మాత్రం కాదని మహేష్ కామెంట్లు చేశారు. సాధారణంగా రాజమౌళి సినిమా షూటింగ్ ను పూర్తి చేయడానికి సంవత్సరాల సమయం తీసుకుంటారు. అయితే తక్కువ సమయంలోనే రాజమౌళి మూవీ షూటింగ్ పూర్తవుతుందని బాహుబలిలా ఎక్కువ సమయం ఈ మూవీ షూటింగ్ జరగదని మహేష్ చెప్పకనే చెప్పేశారు. వచ్చే ఏడాది సమ్మర్ లో ఈ సినిమా షూటింగ్ మొదలయ్యే అవకాశాలు ఉన్నాయి.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
Home