చిరంజీవి, బాలకృష్ణ సినిమాలకు ఆసక్తికరమైన పేర్లు

సీనియర్ హీరోలు చిరంజీవి, బాలకృష్ణ సంక్రాంతికి బరిలో దిగి సూపర్ హిట్స్ అందుకున్నారు. చిరు 150 వ సినిమా ఖైదీ నంబర్ 150, బాలయ్య వందో చిత్రం గౌతమి పుత్ర శాతకర్ణి చిత్రాలు కలక్షన్ల వర్షం కురిపించాయి. వీరిద్దరూ ఇప్పుడు నెక్స్ట్ మూవీస్ పై దృష్టి పెట్టారు. స్టైల్ డైరక్టర్ సురేందర్ రెడ్డి దర్శకత్వంలో నటించేందుకు మెగాస్టార్ సిద్ధమవుతుండగా, నటసింహ, పూరి జగన్నాథ్ డైరక్షన్లో సినిమాని ప్రారంభించారు. చిరు సినిమాకి టైటిల్ ఫిక్స్ చేశారు. స్వాతంత్ర సమరయోధుడు ఉయ్యాలా వాడ నరసింహా రెడ్డి జీవితం ఆధారంగా తెరకెక్కుతున్న సినిమా కావడంతో దానికి అతని పేరునే ఫిక్స్ చేశారు.

ఇక బాలకృష్ణ పూరి కాంబినేషన్లో వస్తున్న మూవీ టైటిల్ గురించి ఇంకా బయటికి రాకపోయినా, నెక్స్ట్ సినిమా టైటిల్ రివీల్ అయింది. బాలకృష్ణ 102 సినిమాని తమిళ దర్శకుడు కె.ఎస్.రవికుమార్ తో చేయనున్నారు. ఇందుకు ప్రముఖ నిర్మాత సి.కళ్యాణ్ ఫిల్మ్ ఛాంబర్ లో “జయసింహ” అనే టైటిల్ ని రిజిస్టర్ చేయించినట్లు తెలిసింది. ఈ మూవీని మే నుంచి సెట్స్ పైకి తీసుకువెళ్లాలని డైరక్టర్, నిర్మాత భావిస్తున్నారు.

Also, do SUBSCRIBE to our YouTube channel to get latest Tollywood updates.