రాజమౌళి డైరెక్షన్ లో చరణ్, ఎన్టీఆర్ హీరోలుగా తెరకెక్కుతున్న ఆర్ఆర్ఆర్ సినిమా గురించి వైరల్ అవుతున్న వార్తలు ఫ్యాన్స్ లో సినిమాపై అంచనాలను అమాంతం పెంచుతున్నాయి. రాజమౌళి సినిమాలో యాక్షన్ సీన్లకు పెద్దపీట వేశారని ప్రతి పది నిమిషాలకు బొమ్మ దద్దరిల్లుతుందని సమాచారం. ఆర్ఆర్ఆర్ మూవీలోని పోరాట సన్నివేశాలు ప్రత్యేకంగా నిలిచిపోతాయని ఇండస్ట్రీ వర్గాల్లో వినిపిస్తోంది. అల్లూరి సీతారామరాజు, కొమురం భీమ్ కలిస్తే ఏం జరుగుతుందనే కల్పిత కథతో
ఆర్ఆర్ఆర్ సినిమా తెరకెక్కుతుండగా ఇద్దరు హీరోలు వేర్వేరుగా పోరాడే సన్నివేశాలు ఉంటాయని ఇద్దరూ కలిసి పోరాడే సన్నివేశాలు కూడా ఉంటాయని తెలుస్తోంది. ఈ యాక్షన్ ఎపిసోడ్లు ప్రేక్షకులను ఏ స్థాయిలో ఆకట్టుకుంటాయో తెలియాలంటే అక్టోబర్ నెల 13వ తేదీ వరకు వేచి చూడాల్సిందే. ప్రస్తుతం ఆర్ఆర్ఆర్ చివరి పాట షూటింగ్ ఉక్రెయిన్ లో జరుగుతోంది. దర్శకుడు రాజమౌళి తగిన జాగ్రత్తలు తీసుకుంటూ షూటింగ్ ను పూర్తి చేస్తున్నారు. ఈ నెల 20వ తేదీ నాటికి ఆర్ఆర్ఆర్ షూటింగ్ పూర్తి కానుందని సెప్టెంబర్ నెలాఖరు నాటికి ఈ సినిమా పోస్ట్ ప్రొడక్షన్ పనులు పూర్తవుతాయని భోగట్టా.
సినిమాలో ఎమోషనల్ సీన్స్ కూడా ప్రేక్షకులను ఆకట్టుకునేలా ఉంటాయని ఈ సినిమాతో తెలుగువారి సత్తాను మరోసారి రాజమౌళి ప్రపంచానికి పరిచయం చేస్తారంటూ కామెంట్లు వినిపిస్తున్నాయి. ఇప్పటికే ఆర్ఆర్ఆర్ నుంచి రిలీజైన దోస్తీ సాంగ్ సినిమాపై అంచనాలను పెంచగా ఆర్ఆర్ఆర్ ట్రైలర్ కోసం ప్రేక్షకులు ఆసక్తిగా ఎదురు చూస్తున్నారు. ప్రేక్షకులకు గూస్ బంప్స్ వచ్చేలా రాజమౌళి సినిమాలోని చాలా సన్నివేశాలను చిత్రీకరించారని సమాచారం.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
