Aadarsha Kutumbam: ‘ఆదర్శ కుటుంబం’.. ఆ హాలీవుడ్ సిరీస్ కి కాపీనా?

సోషల్ మీడియా వాడకం పెరిగిన తర్వాత ఏ చిన్న సినిమా అప్డేట్ వచ్చినా నెటిజన్ల అనాలసిస్ లు నెక్స్ట్ లెవెల్లో ఉంటున్నాయి. సోషల్ మీడియాలో ఉన్న మిగతా జనాలకి , ఇండస్ట్రీ జనాలకి ఇవి ఫన్నీగా ఉన్నప్పటికీ.. చిత్ర బృందాన్ని మాత్రం ఇవి విసిగిస్తూనే ఉంటాయి అని చెప్పాలి. ఒక కొత్త సినిమా ఫస్ట్ లుక్ పోస్టర్ వస్తే చాలు.. దీనికి ఏఐ వాడారు, ఈ సినిమా కాన్సెప్ట్ ఇదే అయ్యుంటుంది లేదు అంటే పలానా సినిమాకి కాపీ అయ్యి ఉంటుంది.. అంటూ వాళ్ళు చేసే ఇన్వెస్టిగేషన్లు మామూలుగా ఉండవు.

Aadarsha Kutumbam AK 47

ముఖ్యంగా పెద్ద దర్శకుల సినిమా పోస్టర్లు వచ్చాయంటే చాలు..వాటిని చీల్చిచెండాడేస్తారు అనడంలో సందేహం లేదు. తాజాగా విక్టరీ వెంకటేష్, త్రివిక్రమ్..ల ‘ఆదర్శ కుటుంబం'(Aadarsha Kutumbam AK 47) సినిమా విషయంలోనూ ఇదే జరుగుతుంది.

హారిక అండ్ హాసిని క్రియేషన్స్ సంస్థ ఈ ‘ఆదర్శ కుటుంబం’ (Aadarsha Kutumbam AK 47) చిత్రాన్ని నిర్మిస్తోంది.ఇందులో వెంకటేష్ ‘చిట్టిబాబు’ అనే ఫ్యామిలీ మెన్ పాత్రలో కనిపించనున్నారు అంటూ ఓ గ్లింప్స్ వదిలారు.అయితే, ఈ వీడియో బయటికి రాగానే సోషల్ మీడియాలో ఇది ‘ఎక్స్‌టెండెడ్ ఫ్యామిలీ’ అనే ఓ హాలీవుడ్ సిరీస్ కాపీ అంటున్నారు. ఆ సిరీస్ పోస్టర్‌ను తీసుకుని, అందులోని నటీనటుల స్థానంలో వెంకటేష్, శ్రీనిథి శెట్టి, రఘుబాబు ఫోటోలను పెట్టి ఎడిట్ చేశారు.

అలాగే దర్శకుడు, మాటల మాంత్రికుడు త్రివిక్రమ్‌ (గూరూజీ) ను ఉద్దేశించి వేసిన క్యాప్షన్ ఈ మీమ్ లో హైలైట్ గా నిలిచింది.హారిక హాసిని సంస్థ త్రివిక్రమ్ కు హోమ్ బ్యానర్ కావడం, ఆయన సినిమాల్లో అప్పుడప్పుడు హాలీవుడ్ ఛాయలు కనిపిస్తాయనే టాక్ ఉండటంతో నెటిజన్లు ఇలా ఫన్నీగా ట్రోల్ చేస్తున్నారు అని అర్థం చేసుకోవచ్చు. ‘హాలీవుడ్ కథల్ని మేమే ఇక్కడ తీస్తుంటే, మీకింకా ఆ సినిమాలు చూసే పనేముందిరా?’ అని గూరూజీ అంటున్నట్లుగా ఈ మీమ్ క్రియేట్ చేసి వదిలారు.

ఈ సినిమా కాపీనో కాదో పక్కన పెడితే.. నెటిజన్ల క్రియేటివిటీ, టైమింగ్ కు మాత్రం హ్యాట్సాఫ్ చెప్పొచ్చు. ఈ సరదా మీమ్స్ సినిమాపై నెగెటివిటీ కన్నా, ఫ్రీ పబ్లిసిటీ తెచ్చిపెట్టి జనాల్లో మంచి బజ్ క్రియేట్ చేస్తాయి అనడంలో ఎటువంటి సందేహం లేదు.