టాలీవుడ్కి ఏమైందో కానీ.. గత కొన్ని రోజులుగా కొత్త ప్రాజెక్ట్లకు సంబంధించిన పుకార్లు ఎక్కువగా వస్తున్నాయి. ఇంట్రెస్టింగ్గా చాలా పుకార్లు నిజమవుతున్నాయి. ఎవరూ ఊహించని ప్రాజెక్ట్లు, ఊహించినా చాలా ఏళ్లుగా పెండింగ్లో ఉన్న కాంబోలు ఓకే అవుతున్నాయి. అలా మరో కొత్త కాంబో గురించి చర్చ నడుస్తోంది. ఆ కారణంగానే ఆ దర్శకుడికి సర్ప్రైజ్ గిఫ్ట్ అందింది అని కూడా చెబుతున్నారు. ఇందులో నిజమెంతో తెలియదు కానీ.. అయితే బాగుండు అని మాత్రం ఫ్యాన్స్ అనుకుంటున్నారు.
ఇంతకీ ఏం జరిగిందంఏట.. రామ్చరణ్ (Ram Charan), సందీప్ రెడ్డి వంగా (Sandeep Reddy Vanga) కాంబినేషన్లో ఓ సినిమా ఉంటుంది అని చాలా ఏళ్లుగా వార్తలొస్తున్నాయి. ‘అర్జున్ రెడ్డి’ (Arjun Reddy) సినిమా తర్వాత చరణ్ను సందీప్ వంగా కలిశారు అనేది అప్పట్లో టాక్. ఇద్దరూ కలసి ఓ సినిమా చేస్తారని, దాని గురించే చర్చలు జరిగాయి అని అన్నారు. ఆ తర్వాత సందీప్.. మహేష్ బాబు (Mahesh Babu) , ప్రభాస్ (Prabhas) లాంటి వారిని కూడా కలవడంతో ఏ ప్రాజెక్ట్ ఓకే అవుతుందో తెలియని పరిస్థితి ఏర్పడింది. ఆ సమయంలో ప్రభాస్తో ‘స్పిరిట్’ సినిమా అనౌన్స్ చేసి క్లియర్ చేశారు సందీప్ వంగా.
ఇప్పుడు మళ్లీ చరణ్ (Ram Charan) – సందీప్ (Sandeep) ప్రాజెక్ట్ లైన్లోకి వచ్చింది అంటున్నారు. ‘పెద్ది’ సినిమా తర్వాత చరణ్ వెంటనే సుకుమార్ (Sukumar) సినిమా స్టార్ట్ చేస్తారు అనుకున్నారు. కానీ ఆ కథకు ఇంకా సమయం పట్టేలా ఉందంటున్నారు. ఇక త్రివిక్రమ్ (Trivikram) తో సినిమా అని అంటున్నారు కానీ.. అది వెంకటేశ్ (Venkatesh) , తారక్ (Taraka) ల సినిమాల తర్వాతే ఉండొచ్చు అని నాగవంశీ (Naga Vamsi) ట్వీట్తో తేలిపోయింది. దీంతో ‘పెద్ది’ తర్వాత సందీప్ వంగా సినిమానే అని చెబుతున్నారు. త్వరలో అనౌన్స్మెంట్ రావొచ్చు అని టాక్.
అదేంటి సందీప్ వంగా బిజీ కదా అనుకుంటున్నారు. ఆయన ఇప్పుడు ‘స్పిరిట్’ సినిమా ప్రీప్రొడక్షన్ పనుల్లో బిజీగా ఉన్నారు. ఆ సినిమా తర్వాత రణ్బీర్ కపూర్తో (Ranbir Kapoor) ‘యానిమల్ పార్క్’ మొదలవ్వాలి. కానీ దానికి చాలా సమయం పట్టేలా ఉంది. కాబట్టి.. ఆయన కూడా ఖాళీ అవుతారు. అప్పుడు చరణ్ – సందీప్ సినిమా చేస్తారని టాక్. ఇదంతా ఓకే ఆ పికిల్ గిఫ్ట్ ఏంటనేగా.. ఆ మధ్య అత్తమ్మాస్ కిచెన్ నుండి రామ్చరణ్ దంపతులు.. సందీప్ వంగతాకు ఓ గిఫ్ట్ పంపారు. సినిమా ఓకే అయినందుకే పంపారు అని ఫ్యాన్స్ సరదాగా అనుకుంటున్నారు.
