Chiranjeevi: ‘కన్నప్ప’ కోసం మరో స్టార్‌ హీరో రెడీనా? మామూలు ప్లానింగ్‌ కాదిది!

మంచు విష్ణు డ్రీమ్‌ రోల్‌, డ్రీమ్‌ మూవీ ఏదంటే… ‘భక్త కన్నప్ప’ అని సినీ గోయర్స్‌ ఈజీగా చెప్పేస్తారు. ఎందుకంటే ఆయన చాలాసార్లు సినిమా ప్రెస్‌ మీట్‌ల్లో, ఇంటర్వ్యూల్లో చెప్పారు. అయితే చాలా ఏళ్లుగా సాగుతున్న ఆయన ప్రయత్నాలు ఫలించి ఇప్పటికి సినిమా మొదలైంది. తొలి షెడ్యూల్‌ను న్యూజిలాండ్‌లో విజయవంతంగా పూర్తి చేసుకుని వచ్చారు. ఇప్పుడు మరో షెడ్యూల్‌ ప్రారంభమైందని టాక్‌. అయితే సినిమా ప్రారంభించినప్పటి నుండి కథతోపాటు ప్రత్యేక పాత్రలపై చర్చ జరుగుతోంది. కారణం గెస్ట్‌ రోల్స్‌లో పెద్ద పెద్ద స్టార్స్‌ ఉన్నారని టాక్‌.

తాజాగా ఈ సినిమాలో మెగాస్టార్‌ చిరంజీవి (Chiranjeevi) కూడా భాగం కాబోతున్నారని టాక్‌. ఏ పాత్ర చేస్తారు అనేది తెలియకపోయినా… పది నిమిషాల నిడివి ఉన్న ఓ పాత్ర కోసం చిరంజీవి దాదాపు ఓకే చెప్పేశారు అని టాలీవుడ్‌లో టాక్‌ నడుస్తోంది. ఇప్పటికే ఈ సినిమాలో ప్రభాస్‌, నయనతార, మోహన్‌లాల్‌, శివరాజకుమార్‌ లాంటి వాళ్లు ఉన్నారని వార్తలొచ్చాయి. దీంతో ఇండియాలోనే అతి పెద్ద సినిమాగా ఈ సినిమా అవతరించింది. ఇప్పుడు మెగాస్టార్‌ కూడా సినిమాలో యాడ్‌ అవ్వడంతో ఇంకా పెద్దదైంది. అన్నట్లు బాలకృష్ణ కూడా ఓ పాత్ర చేస్తున్నారట.

ఇక ఈ సినిమాలో నటిస్తున్నందుకు అగ్ర నటులు ఎవరూ డబ్బులు తీసుకోవడం లేదని లేటెస్ట్‌ మాట. మంచు కుటుంబంతో స్నేహం కారణంగా నటులు ఈ నిర్ణయం తీసుకున్నారని చెబుతున్నారు. అయితే నయనతార బదులు పార్వతి పాత్రలో కంగనా రనౌత్ నటిస్తోంది అనే మాటలు ఇటీవల వినిపిస్తున్నాయి. అయితే ఈ పాత్రల విషయంలో ఇంకా ‘కన్నప్ప’ టీమ్‌ నుండి ఎలాంటి సమాచారం లేదు.

ఫ్యాన్ ఇండియా స్థాయిలో రూపొందుతున్న ఈ సినిమాను ముఖేష్ కుమార్ సింగ్ దర్శకత్వం వహిస్తున్నారు. ఈ మధ్య వచ్చిన ఫస్ట్ లుక్ విడుదలై మంచి స్పందన వచ్చింది. దాదాపుగా రూ. 150 కోట్ల బడ్జెట్‌తో సినిమాను తెరకెక్కిస్తున్నారు. అవా ఎంటర్టైన్మెంట్, 24 ఫ్రేమ్స్ ఫ్యాక్టరీ ఈ చిత్రాన్ని తెరకెక్కిస్తున్నాయి. రచయితలు పరుచూరి గోపాలకృష్ణ, బుర్రా సాయి మాధవ్, తోట ప్రసాద్ ఈ సినిమా కథకి కీలక మెరుగులు దిద్దారట.

ఆపరేషన్ వాలెంటైన్ సినిమా రివ్యూ & రేటింగ్!

భూతద్ధం భాస్కర్ నారాయణ సినిమా రివ్యూ & రేటింగ్!
చారి 111 సినిమా రివ్యూ & రేటింగ్!