పుకార్లు ఫుల్‌ జోరు మీద వచ్చినా.. నమ్మశక్యంగా లేని కాంబినేషన్‌ ప్రభాస్‌ – మారుతి. ఇద్దరు ఎవరికి వారు వారి రంగాల్లో బెస్ట్‌ అనే నిరూపించుకున్నారు. కానీ ఇద్దరూ కలసి సినిమా తీస్తున్నారు అనేసరికి పెద్దగా నమ్మబుద్ధి వేయలేదు ఎవరికీ. కానీ ఇది జరుగుతుంది. త్వరలో ప్రభాస్‌తో మారుతి సినిమా లాంఛనంగా మొదలవుతుంది. అయితే ఇన్నాళ్లూ బయటకు వచ్చిన కథ, ఇప్పుడు బయటకు వచ్చిన కథ ఒకటి కాదు అని టాక్‌ నడుస్తోంది.
ఇది కూడా పుకారే కానీ.. నిజాలు అవ్వడానికి చాలా అవకాశాలు ఉన్నాయి అంటున్నారు. ఇంతకీ ఏమైందంటే? ప్రభాస్‌ – మారుతి సినిమా గురించి ఇన్నాళ్లూగా వచ్చిన హారర్‌ కామెడీ కథ ఇప్పుడు టీమ్‌ టేబుల్‌ మీద లేదు అంటున్నారు. హారర్‌ కామెడీ బదులు క్రైమ్‌ కామెడీ జోనర్‌లో సినిమా చేస్తున్నారట. వజ్రాల దోపిడీ నేపథ్యంలో సాగే కథను కొత్తగా వండుతున్నారని చెబుతున్నారు. నిజానికి ఈ కారణం వల్లే సినిమా ఆలస్యమవుతోంది అనేది లేటెస్ట్‌ టాక్‌.
తొలుత హారర్‌ కామెడీ అనుకునే ముందుకెళ్లినా.. ఆ తర్వాత ప్రభాస్‌కి సెట్‌ అవ్వదు అని అనిపించిందట. దీంతో నేపథ్యం మార్చేశారు. దాంతో కథ కూడా మారిపోయింది అని టాక్‌. హారర్‌ కామెడీ సినిమా అంటే దర్శకుడు మారుతికి చాలా ఈజీ అని కూడా అంటారు. ‘ప్రేమ కథాచిత్రమ్‌’ను ఆయన భలేగా హ్యాండిల్‌ చేశారు అంటారు. అయితే ఆ సినిమాకు దర్శకుడు ఎవరు అనేదాంట్లో చాలా లెక్కలు ఉన్నాయి అనుకోండి.
అంతేకాదు చిన్న హీరోలను మారుతి బాగా డీల్‌ చేస్తారని పేరు కూడా ఉంది. అయితే ప్రభాస్‌ లాంటి హీరోను హ్యాండిల్‌ చేయగలరా అనేది ప్రశ్న. అయితే హారర్‌ కామెడీ అనేసరికి చేసేస్తారేమో అనుకున్నారు. ఫైనల్‌గా ఇప్పుడు హారర్‌ కాస్త క్రైమ్‌గా మారిపోయింది అని టాక్‌ వస్తోంది. ‘ఆదిపురుష్‌’ టీజర్‌ లాంచ్‌ అయిపోవడంతో ‘సలార్‌’ కొత్త షెడ్యూల్‌ మొదలయ్యే గ్యాప్‌లో మారుతి సినిమాకు కొబ్బరికాయ కొడతారు అని అంటున్నారు. ఆ రోజు ఏమన్నా సినిమా జోనర్‌, కథ మీద క్లారిటీ వస్తుందేమో చూడాలి.
Most Recommended Video
నేనే వస్తున్నా సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ ఆరోహి రావ్ గురించి 10 ఆసక్తికర విషయాలు..!
‘బిగ్ బాస్ 6’ కంటెస్టెంట్ శ్రీహాన్ గురించి ఆసక్తికర విషయాలు..!
