Ravi Teja, Chiranjeevi: బాబీ.. యువ హీరోల మీటింగ్‌ అందుకేనా?

July 8, 2022 / 05:30 PM ISTByFilmy Focus

Join Us

Ravi Teja, Chiranjeevi: బాబీ.. యువ హీరోల మీటింగ్‌ అందుకేనా?

‘వాల్తేరు వీరయ్య’ సినిమాలో మరో హీరో కోసం దర్శకుడు బాబీ మళ్లీ ప్రయత్నాలు చేస్తున్నాడా? టాలీవుడ్‌లో ఇప్పుడు ఇదే విషయం చక్కర్లు కొడుతోంది. అదేంటి.. ఆ పాత్ర కోసం రవితేజను అనుకున్నారు కదా, ఆ మధ్య కన్‌ఫామ్‌ అన్నట్లుగా కూడా ఎక్కడో చదివాం అంటారా. మీరు విన్నది నిజమే, అయితే ఇప్పుడు వస్తున్న పుకార్లు కూడా నిజమయ్యే అవకాశం ఉంది అని అంటున్నారు. వివిధ కారణాల వల్ల రవితేజ ఆ సినిమా నుండి తప్పుకున్నాడు అని వార్తలొస్తున్నాయి.

చిరంజీవి అండర్‌ కవర్‌ కాప్‌గా నటిస్తున్నాడు అంటున్న ‘వాల్తేరు వీరయ్య’ (టైటిల్‌ అఫీషయల్‌ అనౌన్స్‌మెంట్‌ రాలేదు) సినిమాలో సెకండాఫ్‌లో చిరు తమ్ముడి పాత్ర ఒకటి ఉందట. అది యువ హీరో నటిస్తే బాగుంటుందని తొలుత కుర్ర హీరోల కోసం చూశారు. అయితే కాస్త ఫేమ్‌ ఉన్న హీరో అయితే బాగుంటుందని రవితేజను సంప్రదించారని వార్తలొచ్చాయి. చిరంజీవితో రవితేజ అనుబంధం వల్ల వెంటనే ఓకే చెప్పేశాడు అని కూడా అన్నారు. అయితే గత రెండు రోజులుగా రవితేజ ‘వాల్తేరు’ వెళ్లడం లేదు అంటున్నారు.

ఇందులో ఎంతవరకు నిజముందో తెలియడం లేదు కానీ.. బాబీ మరో యువ హీరో కోసం చూస్తున్నారు అని వార్తలు వస్తుండటంతో రవితేజ ప్లేస్‌లో ఆ హీరోను తీసుకుంటారు అని అంటున్నారు. సినిమా చిత్రీకరణ వేగవంతం చేశారు బాబీ. సంక్రాంతి డేట్‌ ఇచ్చేయడంతో ఈలోపు అన్ని పనులు పూర్తి చేసేయాలి. మరి పుకార్లు నిజమై రవితేజ బదులు వేరొకరు సినిమాలోకి వస్తారా? లేక పుకార్లు పుకార్లుగానే మిగిలిపోయి సైడ్‌కి వెళ్లిపోతాయేమో చూడాలి.

అన్నట్లు తొలుత ఈ సినిమాలో విలన్‌గా విజయ్‌ సేతుపతి నటిస్తాడని అని చెప్పారు. అయితే కొన్ని కారణాల వల్ల విలన్‌ కూడా మారారట. మక్కళ్‌ సెల్వన్‌ ప్లేస్లో మలయాళ నటుడు బిజూ మీనన్‌ను తీసుకున్నారని చెబుతున్నారు. దేవిశ్రీప్రసాద్ సంగీతం అందిస్తున్న ఈ సినిమాలో శ్రుతి హాసన్‌ కథానాయికగా నటిస్తోంది. మరోవైపు చిరంజీవి ‘గాడ్‌ ఫాదర్‌’, ‘భోళా శంకర్‌’ సినిమాల్లో ఏక కాలంలో నటిస్తున్న విషయం తెలిసిందే.