ల్యాండ్‌ మార్క్‌ కోసం దిల్‌ రాజు సీక్వెల్‌కి ఓటేశాడా?

రామ్‌చరణ్‌ ముఖ్యమంత్రిగా కనిపించబోతున్నాడు, మహేష్‌బాబును ఫాలో అవుతున్న రామ్‌చరణ్‌… అంటూ ఈ రోజు ఉదయం నుండి వార్తలొస్తున్నాయి. శంకర్‌ దర్శకత్వంలో రూపొందబోయే సినిమాలోనే చరణ్‌ ఇలా సీఎం అవుతున్నాడని వార్తలొచ్చాయి. దిల్‌ రాజు నిర్మాణ సంస్థలో 50వ సినిమాగా రాబోతున్న సినిమా ఇదనే విషయం తెలిసిందే. అయితే ఈ సినిమా ‘ఒకే ఒక్కడు’ స్టయిల్‌లో ఉంటుందని అంటున్నారు. అయితే ఇందులో ఒక్క రోజు సీఎంగా కాకుండా, ఫుల్‌ టైమ్‌ సీఎంగా కనిపిస్తారని తెలుస్తోంది.

రామ్‌చరణ్‌ – శంకర్‌ – దిల్‌ రాజు సినిమా అనౌన్స్ చేసినప్పటి నుండి రకరకాల వార్తలొస్తున్నాయి. సినిమా నేపథ్యం గురించి చాలా రకాల పుకార్లు వస్తున్నాయి. ఈ సినిమా ‘మగధీర’ లా ఉంటుందని కొందరు, సైంటిఫిక్షన్‌ స్టైల్‌లో ఉంటుందని ఇంకొందరు అన్నారు. వీటి గురించి ఆలోచించుకుంటూ సినిమా మీద అంచనాలు పెంచుకుంటున్న అభిమానులకు ఇప్పుడు ‘సీఎం చరణ్‌’ వార్తలు ఇంకా మజానిస్తున్నాయి. ఈ క్రమంలో ‘ఒకే ఒక్కడు’ లాంటి సీఎం అనేసరికి ఇంకా డబుల్‌ అయ్యాయి.

‘ఒకే ఒక్కడు’ సినిమా క్లైమాక్స్‌ చూస్తే… దీనికి సీక్వెల్‌ పక్కా ఉంటుందనిపిస్తుంది. ఈ విషయంలో అప్పుడప్పుడు వార్తలొచ్చినా ఎక్కడా దానిపై స్పష్టత రాలేదు. అయితే ల్యాండ్‌ మార్క్‌ సినిమా కావడంతో దిల్‌ రాజు సరైన కథ కోసం ఆలోచిస్తున్నాడట. ఇందులో భాగంగా హిట్‌ కథకు సీక్వెల్‌ అయితే బెటర్‌ అనుకుంటున్నారేమో. తెలుగులో సీక్వెల్‌కి సరైన ట్రాక్‌ రికార్డు లేకపోయినా, తమిళంలో సూపర్‌ రెస్పాన్స్‌ ఉంటుంది. మరి ఇప్పుడేమవుతుందో చూడాలి.

Most Recommended Video