Samantha, Naga Chaitanya : హీరోయిన్ సమంతపై ఈ వార్త నిజమేనా?

September 11, 2021 / 05:11 PM ISTByFilmy Focus

Join Us

Samantha, Naga Chaitanya : హీరోయిన్ సమంతపై ఈ వార్త నిజమేనా?

గత రెండు నెలలుగా చైతన్య, సమంత మధ్య విభేదాలు ఉన్నాయని అనేక వార్తలు ప్రచారంలోకి వస్తున్న సంగతి తెలిసిందే. సమంత ఇంటిపేరు అయిన అక్కినేని పేరును సోషల్ మీడియా నుంచి తొలగించడంతో ఈ వార్తలు వైరల్ అయ్యాయి. టాలీవుడ్ ఇండస్ట్రీలోని అందమైన జోడీలలో చైతన్య సమంత జోడీ ముందువరసలో ఉంటుంది. 2017 సంవత్సరంలో చైతన్య, సమంత పెళ్లి చేసుకున్నారు. చైతన్య సమంత మధ్య గొడవలు నిజమే అయినప్పటికీ ఆ గొడవలు విడిపోయేంత తీవ్రమైనవి కావని తెలుస్తోంది.

పిల్లల్ని కనడం గురించి చైసామ్ మధ్య గొడవ జరిగిందని అంతకు మించి వాళ్లిద్దరి మధ్య మరే సమస్య లేదని సమంత సన్నిహితులు చెబుతున్నారు. నాగార్జున సమంతను కన్విన్స్ చేశారని అయితే సమంత రెండు సంవత్సరాల పాటు నటనకు విరామం ఇవ్వాలని నిర్ణయం తీసుకున్నారని సమాచారం. అయితే రెండేళ్లు సమంత నటనకు దూరం కానున్నారని జరుగుతున్న ప్రచారం వల్ల సమంత ఫ్యాన్స్ టెన్షన్ పడుతున్నారు. త్వరలో సమంత కీలక పాత్రలో తమిళంలో తెరకెక్కుతున్న కాదు వాకుల రెండు కాదల్ సినిమాను పూర్తి చేయనున్నారు.

సమంత ఒక సంతానాన్ని కని సినిమాల్లోకి రీఎంట్రీ ఇవ్వాలని భావిస్తున్నట్టు తెలుస్తోంది. వచ్చే నెల 6వ తేదీ చైతన్య సమంతల నాలుగో పెళ్లి వార్షికోత్సవం కావడంతో ఆ సమయానికి వీళ్ల వ్యవహారం గురించి క్లారిటీ వచ్చే అవకాశాలు ఉంటాయి. చైతన్య సమంతల గురించి వైరల్ అవుతున్న వార్తల వల్ల అక్కినేని ఫ్యాన్స్ టెన్షన్ పడుతున్నారు. చైతన్య ప్రస్తుతం థ్యాంక్యూ సినిమాతో బిజీగా ఉన్నారు. చైతన్య నటించిన లవ్ స్టోరీ సినిమా త్వరలో రిలీజ్ కానుంది. నాగచైతన్య కెరీర్ ను చక్కగా ప్లాన్ చేసుకుంటూ ఉండటం గమనార్హం.