ఖరారు అయిన జై లవకుశ రెండో టీజర్ రిలీజ్ డేట్

బాబీ దర్శకత్వంలో ఎన్టీఆర్ చేస్తున్న సినిమా జై లవకుశ తొలి టీజర్ ఆరవ తేదీ రిలీజ్ అయి సంచలనం సృష్టించింది. తొలిసారి తారక్ త్రిపాత్రాభినయం చేస్తున్నఇందులోని నెగటివ్ క్యారక్టర్ అయిన జై కి సంబంధించిన ఈ టీజర్ లో ఎన్టీఆర్ నటన అదరహో అనిపించింది. ఈ చిత్రంలోని మరో రెండు పాత్రలకు సంబందించిన టీజర్లు కూడా రిలీజ్ కానున్నట్లు చిత్ర యూనిట్ అప్పుడే చెప్పింది. వాటిలో మొదటిగా లవకుమార్ టీజర్ రానుంది. ఇది రాముడి లాంటి పాత్ర అని ఈ టీజర్ ద్వారా చెప్పనున్నారు.

“లవ” టీజర్ ను రాఖీ సందర్భంగా ఆగస్టు 7 ఉదయం 10.35 నిమిషాలకు రిలీజ్ చేస్తున్నట్టుగా చిత్ర బృందం ఈరోజు అధికారికంగా ప్రకటించింది. ఈ టీజర్ కోసం దేవీ శ్రీ ప్రసాద్ క్లాస్ మ్యూజిక్ కంపోజ్ చేసినట్లు తెలిసింది. ఎన్టీఆర్ ఆర్ట్స్ బ్యానర్లో భారీ బడ్జెట్ తో కళ్యాణ్ రామ్ నిర్మిస్తున్న ఈ సినిమా ప్రస్తుతం పూణేలో షూటింగ్ జరుపుకుంటోంది. బాలీవుడ్ నటుడు రోనిత్ రాయ్, ఎన్టీఆర్ పై కీలక సీన్లు తెరకెక్కిస్తున్నారు. భారీ అంచనాలు నెలకొని ఉన్న ఈ మూవీ సెప్టెంబర్ 21 న థియేటర్లలో రానుంది.

Also, do SUBSCRIBE to our YouTube channel to get latest Tollywood updates.