రజనీకాంత్ ఓ సినిమా మనసు పెట్టి చేస్తే, దర్శకుడు ప్రాణం పెట్టి సినిమాను తెరకెక్కిస్తే.. ఆ సినిమా విజయాన్ని, అది అందించే వసూళ్ల ప్రవాహాన్ని అడ్డుకోవడం ఎవరి తరమూ కాదు. వసూళ్లను లెక్కలను చూడటానికి కొత్తగా కొంతమందిని ఉద్యోగాల్లోకి తీసుకోవాల్సిందే అంటుంటారు. అచ్చంగా ఈ మాటను నిజం చేస్తూ ఇప్పుడు ‘జైలర్‌’ సినిమా వచ్చింది. ఈ సినిమాకు ఇప్పటివరకు రూ. 600 కోట్లకుపైగా వసూళ్లు వచ్చాయి. ఇప్పుడు ఓటీటీలో దుమ్మురేపుతోంది. ఈ క్రమంలో ఈ సినిమా అరుదైన రికార్డు అందుకుంది.
రజనీకాంత్ – నెల్సన్‌ దిలీప్‌ కుమార్‌ కాంబినేషన్‌లో తెరకెక్కిన చిత్రం (Jailer) ‘జైలర్‌’. తొలుత దేశంలో ఆ తర్వాత విదేశాల్లో విడుదలవుతూ వచ్చిన ఈ సినిమా ఇప్పుడు మలేషియాలో అత్యధిక గ్రాస్‌ వసూళ్లు సాధించిన ఇండియన్‌ సినిమా సత్తా చాటింది. అయ్యంగరన్‌ ఇంటర్నేషనల్‌ సంస్థ ఈ సినిమాను మలేసియాలో విడుదల చేసింది. ఈ సినిమా విజయాన్ని వివరిస్తూ ఆ టీమ్‌ సోషల్‌ మీడియాలో ఈ విషయాలను వెల్లడించింది. గతంలో ఏ సినిమాకు రికార్డు ఉంది అనేది కూడా చెప్పారు.
మలేసియాలో ఆ రికార్డు ఇప్పటివరకు షారుఖ్‌ ఖాన్‌ సినిమాకు ఉండేది. 2015లో షారుఖ్‌ నుండి వచ్చిన ‘దిల్‌వాలే’ సినిమానే ఇప్పటివరకు తొలి స్థానంలో ఉంది. తాజాగా రజనీకాంత్ ‘జైలర్‌’ సినిమాతో ఆ రికార్డును తిరగరాశాడు. అయితే, ఈ సినిమా ఎంత వసూలు చేసింది అనేది మాత్రం చెప్పలేదు. మరోవైపు మలేషియా ప్రధానిని రజనీకాంత్ ఇటీవల కలిశారు. మామూలుగానే రజనీ సినిమాలకు మలేసియాలో మంచి ఆదరణ ఉంటుంది. ఇప్పుడు ఈ సినిమాతో మరోసారి నిరూపితమైంది.
అయితే ఇక్కడే మరో విషయం. మలేసియా కంటే రజనీ సినిమాలకు జపాన్‌లో ఆదరణ ఎక్కువ. దీంతో ఈ సినిమాను జపాన్‌లో రిలీజ్‌ చేస్తే పరిస్థితి ఏంటి, ఎలా ఉంటుంది అనేది ఆసక్తికరంగా మారింది. ఫ్లాప్‌ సినిమాలను అక్కడ మళ్లీ మళ్లీ చూస్తారు అని టాక్‌. మరి ఈ బ్లాక్‌బస్టర్‌ హుకుంకి ఎలాంటి స్పందన వస్తుందో చూడాలి.
బాలీవుడ్ లో అత్యధిక రెమ్యూనరేషన్ తీసుకునేది ఆ హీరోనేనా..!
‘బిగ్ బాస్ 7’ కంటెస్టెంట్ ప్రియాంక జైన్ గురించి 10 ఆసక్తికర విషయాలు..!
‘బిగ్ బాస్ 7’ కంటెస్టెంట్ దామిని భట్ల గురించి 10 ఆసక్తికర విషయాలు!
Home