జనతా గ్యారేజ్ ఆడియో వేడుక ఎక్కడంటే ?

యంగ్ టైగర్ ఎన్టీఆర్ నటిస్తున్నయాక్షన్ ఫిల్మ్ “జనతా గ్యారేజ్” ఆడియో వేడుకకు వేదిక ఖరారు అయింది. “నాన్నకు ప్రేమతో” కోసం చక్కని పాటలు అందించిన రాక్ స్టార్ దేవీ శ్రీ ప్రసాద్ జనతా గ్యారేజ్ కూడా మ్యూజిక్ అందిస్తున్నారు. కొరటాల శివ దర్శకత్వంలో రూపుదిద్దుకుంటున్న ఈ చిత్ర ఆడియోను వచ్చే నెల 25న రిలీజ్ చేయడానికి అంతా సిద్ధం చేశారు. ఈ వేడుకను ఎక్కడ నిర్వహించాలో ఆలోచించిన చిత్ర బృందం చివరగా ఖమ్మంని ఒకే చేశారు.

అక్కడ  అభిమానుల సమక్షంలో గ్రాండ్ గా సాంగ్స్ ను విడుదల చేయనున్నారు. మైత్రీ మూవీ మేకర్స్ వారు భారీ బడ్జెట్స్ తో నిర్మిస్తున్న ఈ సినిమాలో ఎన్టీఆర్ సరసన సమంత, నిత్యా మీనన్ నటిస్తున్నారు. మలయాళ సూపర్ స్టార్ మోహన్ లాల్ ప్రత్యేక పాత్ర పోషిస్తోన్న ఈ చిత్ర టీజర్ ని జులై 6 న రిలీజ్ చేయనున్నారు. ఇందుకోసం యంగ్ టైగర్ డబ్బింగ్ చెప్పడం మొదలు పెట్టారు.

విదేశీయులతో వాలీబాల్ మ్యాచ్, భారీ ఇంట్రవెల్ ఫైట్, గొప్ప ట్విస్టులు, అదిరిపోయే డైలాగులు.. ఇలా అనేక ప్రత్యేకతలతో, భారీ తారాగణంతో ఈ మూవీ ఆగస్టు 12 న ప్రపంచ వ్యాప్తంగా విడుదల కానుంది.