రాజమౌళి అలా తిట్టడం వల్లే నాలో మార్పు వచ్చింది : ఎన్.టి.ఆర్

December 6, 2020 / 05:24 PM ISTByFilmy Focus

Join Us

రాజమౌళి అలా తిట్టడం వల్లే నాలో మార్పు వచ్చింది : ఎన్.టి.ఆర్

రాజమౌళి,ఎన్.టి.ఆర్ ల సాన్నిహిత్యం గురించి ప్రత్యేకంగా చెప్పాల్సిన పనిలేదు.నిజానికి తారక్.. రాజమౌళి డైరెక్షన్లో రూపొందిన స్టూడెంట్ నంబర్ 1… చిత్రంతోనే ఎంట్రీ ఇవ్వాలి. కానీ కొన్ని కారణాల వల్ల ఆ చిత్రం లేట్ అవ్వడం .. నిన్ను చూడాలని చిత్రం ముందు రిలీజ్ అవ్వడం జరిగింది. అయితే ఎన్.టి.ఆర్ కు మొదటి హిట్ ఇచ్చింది మాత్రం రాజమౌళి నే..! అంతే కాదు..ఎన్.టి.ఆర్ స్టార్ ఇమేజ్ ను పెంచింది కూడా మన రాజమౌళినే అని చెప్పాలి.

అక్కడితో అయిపోలేదు వరుస ఫ్లాప్ లతో తారక్ సతమతమవుతున్న తరుణంలో యమదొంగ చిత్రంతో ఆదుకున్నాడు. ఇప్పుడు అతన్ని పాన్ ఇండియా స్టార్ ను చేసే బాధ్యతను తీసుకుని ఆర్.ఆర్.ఆర్ చేస్తున్నాడు. సరే ఈ విషయాన్ని పక్కన పెట్టేస్తే.. ఎన్.టి.ఆర్ కెరీర్ ప్రారంభంలో చాలా లావుగా ఉండేవాడు అన్న సంగతి తెలిసిందే. అప్పట్లో అతని లుక్ పై చాలా ట్రోల్స్ వచ్చేవి. అయినా ఎన్.టి.ఆర్ పెద్దగా పట్టించుకునేవాడు కాడు. దాంతో రాజమౌళి ఒకరోజు ఎన్.టి.ఆర్ ను తెగ తిట్టాడట.

ఇదే విషయాన్ని గతంలో ఎన్.టి.ఆర్ ఓ సందర్భంలో చెప్పుకొచ్చాడు. ఒక రోజు నేను రాజమౌళి కలవడానికి వెళ్తే.. చాలా వరస్ట్ గా ఉన్నారు తారక్. మీకు అర్ధం అవుతుందా .. యూత్ లో చాలా మంది మీ సినిమాలు చూడటం మానేశారు. నువ్వు ఏదో ఒకటి చేస్తే తప్ప .. ఇలాగే ఉంటే కష్టం అని అన్నాడు. జక్కన్న అలా అనే సరికి నేను తట్టుకోలేకపోయాను. ఇక లేట్ చెయ్యకుండా కసరత్తులు మొదలు పెట్టి సన్నపడ్డాను… అంటూ చెప్పుకొచ్చాడు తారక్.