Jr NTR: దేవర2 తర్వాత తారక్ టార్గెట్ కోలీవుడ్.. ఏం జరిగిందంటే?

జూనియర్ ఎన్టీఆర్ కొరటాల శివ కాంబో మూవీ దేవర అన్ని భాషల్లో బ్లాక్ బస్టర్ హిట్ గా నిలిచినా తమిళనాడులో ఈ సినిమాకు కేవలం 2 కోట్ల రూపాయలకు పైగా మాత్రమే కలెక్షన్లు వచ్చాయి. అనిరుధ్ ఈ సినిమాకు మ్యూజిక్ డైరెక్టర్ గా పని చేయడంతో పాటు పలువురు తమిళ నటులు ఈ సినిమాలో నటించినా దేవర తమిళనాట కలెక్షన్ల పరంగా మరీ సంచలనాలు అయితే సృష్టించలేదనే చెప్పాలి.

Jr NTR

దేవర హిందీ వెర్షన్ సైతం కలెక్షన్ల పరంగా అదరగొట్టగా తమిళ వెర్షన్ కలెక్షన్ల విషయంలో ఈ సినిమా ప్రేక్షకులను నిరాశకు గురి చేసింది. తర్వాత ప్రాజెక్ట్ లతో ప్రధానంగా హిందీ మార్కెట్ ను టార్గెట్ చేయనున్న తారక్ దేవర2 మూవీ తర్వాత కోలీవుడ్ డైరెక్టర్లతో పని చేయడం ద్వారా కోలీవుడ్ ఇండస్ట్రీని టార్గెట్ చేయనున్నారని తెలుస్తోంది. పాన్ ఇండియా లక్ష్యాన్ని తారక్ సులువుగానే సాధించే అవకాశాలు అయితే ఉన్నాయి.

తాజాగా నెల్సన్ దిలీప్ కుమార్ తారక్ కు కథ చెప్పారని ఆ కథకు తారక్ గ్రీన్ సిగ్నల్ ఇచ్చారని ఇండస్ట్రీ వర్గాల టాక్. అయితే ఈ ప్రాజెక్ట్ సెట్స్ పైకి వెళ్లాలంటే చాలా సమయం పట్టే ఛాన్స్ ఉంది. అటు ఎన్టీఆర్ ఇటు నెల్సన్ ఇప్పటికే ఓకే చెప్పిన అన్ని ప్రాజెక్ట్ లను పూర్తి చేసిన తర్వాత మాత్రమే ఈ సినిమా సెట్స్ పైకి వెళ్తుంది. నెల్సన్ తారక్ కోసం ఎలాంటి కథను సిద్ధం చేశారో చూడాలి.

తారక్ కోలీవుడ్ డైరెక్టర్లతో బ్యాక్ టు బ్యాక్ సినిమాల్లో నటించేలా కెరీర్ ను ప్లాన్ చేసుకుంటున్నారని భోగట్టా. యంగ్ టైగర్ ఎన్టీఆర్ కెరీర్ ను ప్లాన్ చేసుకుంటున్న తీరు బాగుందని ఫ్యాన్స్ కామెంట్లు చేస్తున్నారు. జూనియర్ ఎన్టీఆర్ భవిష్యత్తు సినిమాలతో ఇండస్ట్రీ హిట్లను అందుకోవాలని కామెంట్లు వ్యక్తమవుతున్నాయి. ఎన్టీఆర్ రేంజ్ ఊహించని స్థాయిలో పెరుగుతుండటం గమనార్హం.

ఆ హడావిడి ఇప్పుడు లేదేంటి.. ప్రశ్నిస్తున్న బన్నీ అభిమానులు!