‘ఆర్ఆర్ఆర్’ సినిమా తర్వాత ఇద్దరు టాలీవుడ్‌ హీరోలు పాన్‌ ఇండియా హీరోలు అయిపోయారు. ఇద్దరు హీరోలు ఒకే పేస్‌లో దూసుకెళ్లడం చూశాం. అయితే ఏమైందో ఏమో ఒక్కసారిగా ఎన్టీఆర్‌ ఈ పరుగులో లేట్ అయిపోయారు. ఆస్కార్‌ బరిలో ఉన్న ‘ఆర్ఆర్ఆర్’ ప్రచారం కోసం రామ్‌చరణ్‌ అమెరికా బయలుదేరాక పరిస్థితి మారిపోయింది. గ్లోబల్‌ స్టార్‌ అనే ట్యాగ్‌ ఆటోమేటిగ్గా వచ్చేసింది. అయితే ఇదంతా విదేశాలకు మాత్రమే అని ఇప్పుడు అనిపిస్తోంది. ఎందుకంటే తారక్‌ కొత్త సినిమా అనౌన్స్‌మెంట్ ఆ రేంజిలో ఉంది.
బాలీవుడ్‌లో ‘వార్’ సినిమా ఏ రేంజిలో విజయం అందుకుందో మనందరికీ తెలిసిందే. ఇప్పుడు దానికి సీక్వెల్‌గా మరో సినిమా సిద్ధమవుతోంది. ‘వార్ 2’ పేరుతో రూపొందనున్న ఈ సినిమాలో హృతిక్‌ రోషన్‌ ఓ హీరో కాగా, మరో హీరోగా ఎన్టీఆర్‌ను ఎంపిక చేసుకున్నారని సమాచారం. ఈ మేరకు అధికారిక సమాచారం అయితే రాలేదు కానీ.. బాలీవుడ్‌ మీడియా అయితే వార్తలు రాస్తోంది. ఇవాళో రేపో ఈ సినిమా ప్రకటన ఉంటుందని చెబుతున్నారు.
దీంతో ఎన్టీఆర్‌ (Jr NTR) అభిమానులు ఫుల్‌ జోష్‌లో ఉన్నారు. అయితే ఇదే సమయంలో రామ్‌చరణ్‌ ఫ్యాన్స్ చిన్న నిరాశలో ఉన్నారు. తారక్‌కి బాలీవుడ్‌ సినిమా వస్తే.. చరణ్ ఫ్యాన్స్ హర్ట్‌ అయ్యారు అని మేం అనడం లేదు. అయితే చరణ్ బాలీవుడ్‌ సినిమా ఎప్పుడు అనే ప్రశ్న వారి నుండి వినిపిస్తోంది. గ్లోబల్‌ హీరో అనే పేరు వినిపిస్తున్నా.. అలాంటి ప్రాజెక్ట్‌ ఇప్పటివరకు ఏదీ ఓకే అయినట్లు కనిపించడం లేదు. దీంతో తారక్‌ కంటే చరణ్ కాస్త వెనుకబడ్డాడు అని అనిపిస్తోంది.
‘వార్ 2’ సినిమా లాంటి భారీ ప్రాజెక్ట్‌ ఒకటి చరణ్ నుండి వస్తే కానీ ఆ నిరాశ పోదు అని అంటున్నారు. అంతేకాదు తారక్‌కు ‘వార్ 2’ సినిమా ఓకే అవ్వడం వెనుక రాజమౌళి ఉన్నారనే మాట కూడా వినిపిస్తోంది. అయాన్‌ ముఖర్జీ – యశ్‌రాజ్‌ ఫిలింస్‌తో రాజమౌళి అనుబంధం.. కారణంగానే ఇదంతా సాధ్యమైంది అనే చర్చ కూడా నడుస్తోంది. మరి అలాంటి స్నేహం చరణ్‌కు ఉండి.. మంచి సినిమా ఓకే అయితే చాలు అని అనుకుంటున్నారు చరణ్ ఫ్యాన్స్.
హీలీవుడ్‌లో నటించిన 15 మంది ఇండియన్ యాక్టర్స్ వీళ్లే..!
టాలీవుడ్‌లో గుర్తింపు తెచ్చుకున్న 10 మంది కోలీవుడ్ డైరెక్టర్స్ వీళ్లే..!
తు..తు…ఇలా చూడలేకపోతున్నాం అంటూ…బాడీ షేమింగ్ ఎదురుకున్న హీరోయిన్లు వీళ్ళే
నాగ శౌర్య నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?
Home