యంగ్ టైగర్ జూనియర్ ఎన్టీఆర్ (Jr NTR) కొరటాల శివ (Koratala Siva) కాంబినేషన్ లో తెరకెక్కుతున్న దేవర (Devara) రిలీజ్ కు సమయం దగ్గర పడే కొద్దీ అభిమానుల్లో ఈ సినిమాపై అంచనాలు అంతకంతకూ పెరుగుతున్నాయి. త్వరలో ఈ సినిమా నుంచి థర్డ్ సింగిల్ రిలీజ్ కానుండగా థర్డ్ సింగిల్ సైతం ప్రేక్షకుల అంచనాలను మించి ఉండనుందని కామెంట్లు వినిపిస్తున్నాయి. థర్డ్ సింగిల్ లో డ్యాన్స్ కు ఎక్కువగా ప్రాధాన్యత ఉంటుందని తెలుస్తోంది. అయితే తారక్ లక్కీ నంబర్ 9 అనే సంగతి తెలిసిందే.
తారక్ కార్లకు సైతం 9999 నంబర్ ఉంటుంది. దేవర రిలీజ్ డేట్ సెప్టెంబర్ 27 కాగా 2+7 =9 సెంటిమెంట్ ను రిలీజ్ డేట్ విషయంలో తారక్ ఫాలో అవుతున్నారు. అదే విధంగా దేవర రిలీజ్ రోజున అర్ధరాత్రి 1 : 08 గంటల నుంచి షోలు ప్రదర్శితం కానుండగా 1+8 = 9 అనే నంబర్ సెంటిమెంట్ కూడా ఈ సినిమా విషయంలో ఫాలో అవుతున్నారనే సంగతి తెలిసిందే.
దేవర మూవీ విషయంలో తారక్ లక్కీ నంబర్ మ్యాజిక్ రిపీటవుతుందనే కామెంట్స్ వినిపిస్తుండగా ఆ కామెంట్స్ సోషల్ మీడియాలో హాట్ టాపిక్ అవుతున్నాయి. దేవర సినిమాలో నాలుగు పాటలు ఉండగా త్వరలో ఈ సినిమా నుంచి వరుస అప్ డేట్స్ రానున్నాయి. సెప్టెంబర్ ఫస్ట్ వీక్ నుంచి ఈ సినిమా ప్రమోషన్స్ మొదలుకానున్నాయని తెలుస్తోంది. తారక్ సెప్టెంబర్ నెల అంతా ఈ సినిమా ప్రమోషన్స్ కే పరిమితం కానున్నాడని తెలుస్తోంది.
జూనియర్ ఎన్టీఆర్ నుంచి ఫ్యాన్స్ కోరుకునే కమర్షియల్ అంశాలన్నీ దేవరలో ఉంటాయని కొరటాల శివను ఈ సినిమా దర్శకునిగా మరో మెట్టు పైకి ఎక్కించడం ఖాయమని కామెంట్లు వినిపిస్తున్నాయి. రెండు తెలుగు రాష్ట్రాల్లో రికార్డ్ స్థాయి స్క్రీన్లలో రిలీజ్ కానున్న దేవర ఆక్యుపెన్సీ, ఫస్ట్ డే కలెక్షన్ల విషయంలో సైతం రికార్ద్స్ క్రియేట్ చేసే ఛాన్స్ ఉంది.
