త్రివిక్రమ్ డైరక్షన్లో ఎన్టీఆర్ తనయుడు కనిపించనున్నారా?

జై లవ కుశ సినిమా తర్వాత ఎన్టీఆర్ చేయనున్న సినిమా లాంఛనంగా ప్రారంభమయింది. త్రివిక్రమ్ శ్రీనివాస్  దర్శకత్వంలో తెరకెక్కనున్న మూవీ ప్రారంభోత్సవానికి పవర్ స్టార్ పవన్ కళ్యాణ్ ముఖ్య అతిథిగా హాజరై క్లాప్ ఇచ్చారు. ఈ వేడుకలో స్పెషల్ అట్రాక్షన్ గా ఎన్టీఆర్ తనయుడు అభయ్ రామ్ నిలిచాడు. దీంతో ఫిలిం నగర్లో కొన్ని వార్తలు షికారు చేస్తున్నాయి. ఈ కుటుంబ కథ చిత్రం ద్వారా అభయ్ ని వెండితెరకు పరిచయం చేయించాలని ఎన్టీఆర్ దంపతులు భావిస్తున్నట్లు సమాచారం.

అంతేకాదు త్రివిక్రమ్ డైరక్షన్లో అభయ్ ఇంట్రడ్యూస్ అయితే అతని కెరీర్ బాగుంటుందని అనుకుంటున్నారంట. ఇప్పటికే సూపర్ స్టార్ మహేష్ బాబు తనయుడు గౌతమ్, రవితేజ కొడుకు మహాధన్ సినిమాల్లోకి ఎంట్రీ ఇచ్చారు. ఈ నేపథ్యంలోనే ఎన్టీఆర్ కి కూడా ఆలోచన కలిగిందని ఫిలిం నగర్ వాసులు చెప్పుకుంటున్నారు. మరి అభయ్ కోసం త్రివిక్రమ్ స్పెషల్ రోల్ రాస్తారా? లేకుంటే కుటుంబ సభ్యుల్లో ఒకరిగా చూపిస్తారా? అనేది.. ఇప్పుడే చెప్పలేము.