యంగ్ టైగర్ ఎన్టీఆర్ ఐడీ కార్డు ధరించి ఫోటోలకు ఫోజులిచ్చారు. వాటిని సోషల్ మీడియా వేదికగా అభిమానులతో షేర్ చేసుకున్నారు. స్టూడెంట్స్, ఎంప్లాయిస్ కి ఉన్నట్లే సినిమాలకు పని చేసే వారికి కూడా ఐడీ కార్డులు ఉంటాయి. షూటింగ్ ల కోసం విదేశాలకు వెళ్లినప్పుడు మాత్రం తప్పనిసరిగా ఐడీ కార్డు ఉండాల్సిందే. ప్రస్తుతం ఎన్టీఆర్ ఉక్రెయిన్ లో ఉన్నారు. అందుకే ఐడీ కార్డు ధరించారు. ”నేను ఐడీ కార్డు వేసుకొని చాలా సంవత్సారలైంది.
తొలిసారి సెట్స్ లో ఇలా” అంటూ ఆ ఫోటోలను సోషల్ మీడియా అకౌంట్ లో షేర్ చేశారు. ఈ ఫోటోలో ఎన్టీఆర్ తో పాటు దర్శకుడు రాజమౌళి తన ఐడీ కార్డుని చూపిస్తూ కనిపించారు. ఈ ఫోటోలు చూసిన ఎన్టీఆర్ ఫ్యాన్స్ ట్విట్టర్ లో తెగ షేర్ చేస్తున్నారు. రామ్ చరణ్, ఎన్టీఆర్ హీరోలుగా రాజమౌళి ఈ సినిమాను రూపొందిస్తున్న సంగతి తెలిసిందే. ఇటీవల ఈ సినిమాకి సంబంధించిన థీమ్ సాంగ్ ను విడుదల చేశారు.
ఈ సాంగ్ కి యూట్యూబ్ లో మిలియన్ల వ్యూస్ వస్తున్నాయి. కీరవాణి సంగీతం సినిమాకి మేజర్ హైలైట్ కానుంది. అలియా భట్, ఒలీవియా మోరిస్ హీరోయిన్లుగా నటిస్తన్న ఈ సినిమాను అక్టోబర్ 13న ప్రేక్షకుల ముందుకు తీసుకురానున్నారు. అజయ్ దేవగన్, శ్రియ, సముద్రఖని వంటి తారలు కీలకపాత్ర పోషిస్తున్న ఈ సినిమాను డీవీవీ దానయ్య నిర్మిస్తున్నారు.
Most Recommended Video
ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!
