ఐటెం సాంగ్ ఆఫర్లను తిరస్కరించిన టాలీవుడ్ యువరాణి

తెలుగు చిత్ర పరిశ్రమలోని టాప్ హీరోయిన్లలో ఒకరైన కాజల్ అగర్వాల్ జనతా గ్యారేజ్ లో చేసిన “పక్కా లోకల్” పాట అందరినీ ఆకట్టుకుంది. ఈ సాంగ్ టాలీవుడ్ యువరాణికి మంచి పేరుతో పాటు ఆఫర్లను తెచ్చి పెట్టింది. తెలుగు ఇండస్ట్రీ నుంచే కాకుండా, తమిళ నిర్మాతలు సైతం ఐటెం సాంగ్ చేయాలనీ కాజల్ ని అడుగుతున్నారంట. అయితే కాజల్ సై అనడం లేదు. ఎంత రెమ్యునరేషన్ ఇచ్చినా ఇక ఐటెం సాంగ్ చేసేది లేదని స్పష్టంగా చెబుతున్నట్లు ఆమె సన్నిహితులు వెల్లడించారు.

యంగ్ టైగర్ ఎన్టీఆర్ తో ఉన్న స్నేహం, కొరటాల శివపై ఉన్న గౌరవంతో జనతా గ్యారేజ్ లో స్పెషల్ సాంగ్ కి కాజల్ ఒప్పుకున్నట్లు వారు వివరించారు. ప్రస్తుతం కాజల్ మెగాస్టార్ చిరంజీవి ఖైదీ నంబర్ 150 సినిమాలో నటిస్తోంది. ఈ చిత్రంతో చిరుతో నటించాలనే ఆమె కల నెరవేరబోతోంది. మెగా పవర్ స్టార్ రామ్ చరణ్ తేజ్ నిర్మిస్తున్న ఈ మూవీ సంక్రాంతికి రిలీజ్ కానుంది. ఈ సినిమా తర్వాత కాజల్ తనను హీరోయిన్ గా పరిచయం చేసిన తేజ దర్శకత్వంలో నటించనుంది. రానా హీరోగా నటిస్తున్న ఈ ఫిల్మ్ త్వరలో సెట్స్ మీదకు వెళ్లనుంది.