స్టార్ హీరోయిన్ కాజల్ అగర్వాల్ సినిమాలకు గుడ్ బై చెప్పనున్నారా..? అనే ప్రశ్నకు అవుననే సమాధానం వినిపిస్తోంది. అయితే కాజల్ అగర్వాల్ భర్త ఎప్పుడు సినిమాలకు గుడ్ బై చెప్పమంటే అప్పుడే గుడ్ బై చెప్పనున్నారు. తాజాగా ఒక సందర్భంలో కాజల్ అగర్వాల్ మాట్లాడుతూ కీలక విషయాలను వెల్లడించారు. లక్ష్మీ కళ్యాణం సినిమాతో టాలీవుడ్ లోకి ఎంట్రీ ఇచ్చిన కాజల్ తక్కువ సమయంలోనే స్టార్ హీరోయిన్ స్టేటస్ ను సొంతం చేసుకున్నారు.
రాజమౌళి డైరెక్షన్ లో తెరకెక్కిన మగధీర సినిమా కాజల్ కెరీర్ కు ప్లస్ అయింది. పెళ్లి తర్వాత వరుసగా సినిమాల్లో నటిస్తున్న కాజల్ కు వెబ్ సిరీస్ ఆఫర్లు కూడా వస్తున్నాయి. నాగార్జున ప్రవీణ్ సత్తారు కాంబినేషన్ లో తెరకెక్కుతున్న సినిమాలో సైతం కాజల్ అగర్వాల్ హీరోయిన్ కావడం గమనార్హం. తెలుగుతో పాటు ఇతర భాషల్లో సైతం ఆఫర్లను అందిపుచ్చుకుంటున్న కాజల్ తనకు ప్రస్తుతం భర్త, కుటుంబం నుంచి సినిమాల్లో నటించడానికి సపోర్ట్ ఉందని అన్నారు.
వాళ్ల నుంచి సపోర్ట్ ఉండటం వల్లే తాను నటనపై దృష్టి పెట్టగలుగుతున్నానని ఆమె చెప్పుకొచ్చారు. భర్త గౌతమ్ కిచ్లూ సినిమాలకు ఎప్పుడు గుడ్ బై చెప్పమని చెబితే అప్పుడే తాను గుడ్ బై చెబుతానని ఆమె చెప్పుకొచ్చారు. కాజల్ తన భర్తపై ఉన్న ప్రేమ, గౌరవాన్ని ఈ విధంగా చెప్పుకొచ్చారు. మరోవైపు కాజల్ పెళ్లి తర్వాత కూడా కెరీర్ ను చక్కగా ప్లాన్ చేసుకుంటున్నారు. పెళ్లి తర్వాత కాజల్ గ్లామర్ పాత్రలకు దూరంగా ఉంటూ అభినయానికి ప్రాధాన్యత ఉన్న పాత్రలనే ఎంచుకుంటున్నారు.
Most Recommended Video
టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!
