Kalki 2898 AD Release Trailer: ‘కల్కి 2898 AD’ ఫైనల్ వార్ ఎలా ఉందంటే?

పాన్ ఇండియా స్టార్ ప్రభాస్ (Prabhas), దర్శకుడు నాగ్ అశ్విన్  (Nag Ashwin) కాంబినేషన్లో ‘కల్కి 2898 AD ‘ (Kalki 2898 AD) రూపొందింది. మరో 6 రోజుల్లో అంటే జూన్ 27న ఈ సినిమా ప్రేక్షకుల ముందుకు రానుంది. వైజయంతి మూవీస్ సంస్థ పై అశ్వినీదత్ (C. Aswani Dutt) ఈ చిత్రాన్ని ప్రియాంక దత్ (Priyanka Dutt) , స్వప్న దత్ (Swapna Dutt)..లతో కలిసి రూ.500 కోట్ల భారీ బడ్జెట్ తో అత్యంత ప్రతిష్టాత్మకంగా నిర్మించారు. ఇప్పటికే రిలీజ్ అయిన గ్లింప్స్, ట్రైలర్ కి సూపర్ రెస్పాన్స్ వచ్చింది.

హాలీవుడ్ సినిమాలను తలదన్నేలా విజువల్స్ ఉండటం చూసి.. అందరూ షాక్ అయ్యారు. రెండు క్లాస్ సినిమాలు తీసిన దర్శకుడు నాగ్ అశ్విన్ లో ఇంత విషయం ఉందా అంటూ అంతా ఆశ్చర్యపోతున్నారు. ఇక ప్రమోషన్స్ లో భాగంగా ‘ఫైనల్ వార్’ అంటూ రిలీజ్ ట్రైలర్ ను కూడా కొద్దిసేపటి క్రితం విడుదల చేశారు. ఈ ట్రైలర్ 2 నిమిషాల 22 సెకన్ల నిడివి కలిగి ఉంది.

మొదటి ట్రైలర్ తో పోలిస్తే.. ఇందులో కథ గురించి ఇంకాస్త హింట్ ఇచ్చే ప్రయత్నం చేశారు. ‘మీ కడుపులో భగవంతుడు ఉన్నాడు’ అంటూ అమితాబ్ పాత్ర దీపికా పదుకోనె పాత్రతో చెప్పడం అందరికీ మంచి హై ఇస్తుంది. అలాగే భైరవ పాత్రకి ఏదో ఫ్లాష్ బ్యాక్ కూడా ఉంటుంది అనే సస్పెన్స్ తో ఈ ట్రైలర్ ను కట్ చేశారు.

‘ఎన్ని అవకాశాలిచ్చినా ఎన్ని యుగాలు మారినా మనిషి మారడు’ అంటూ కమల్ హాసన్ పాత్ర చెప్పే డైలాగ్ లో కూడా డెప్త్ ఉంది అనిపిస్తుంది. ఇక విజువల్స్ అయితే టాప్ నాచ్ అనే విధంగా ఉన్నాయి. బీజీయం కూడా అదే విధంగా ఉంది. మొత్తంగా ఈ రెండో ట్రైలర్ సినిమా రిలీజ్ కోసం మరింత ఆసక్తి పెంచేలా చేసింది అని చెప్పాలి. మీరు కూడా ఓ లుక్కేయండి :