కమల్ హాసన్ ప్రేమకథలు తెలుసా? అంటే… ఏ ప్రేమ కథ, ఎన్నో ప్రేమ కథ అనే డౌట్స్‌ వస్తుంటాయి. అయితే ఆయన తొలిప్రేమ కథ తెలుసా అంటే కాసేపు ఆగాల్సి వస్తుంది. ఎందుకంటే ఆయన ఫస్ట్‌ లవ్‌ గురించి చాలా మందికి తెలియదు. కమల్ హాసన్ రెండు పెళ్లిళ్లు చేసుకున్నారనే విషయం తెలిసిందే. అలాగే నటి గౌతమితో కొన్నాళ్లు రిలేషన్‌లో ఉన్నారు. అయితే అనూహ్యంగా విడిపోయారు. అయితే కమల్‌కి మరొక ప్రేమకథ ఉంది. నిజానికి అదే తొలి ప్రేమ అని చెప్పొచ్చు.
ప్రముఖ నటి శ్రీవిధ్య మీకు తెలుసు కదా. ఎన్నో సౌత్‌ సినిమాల్లో నటించి మెప్పించారామె. ఆమెను తన 19 ఏళ్ల వయసులో కమల్ హాసన్ మొదటిసారి కలిసాశారు. అప్పటికే ఆమె స్టార్ హీరోయిన్ స్థాయిలో ఉంది. కమల్ అప్పుడప్పుడే ఇండస్ట్రీలో నటుడిగా ఎదుగుతున్నారు. ఆ సమయంలో ఇద్దరి మధ్య ప్రేమ మొదలైందట. మొదటిగా కలసి నటించిన సినిమాతోనే వీరి ప్రేమ మొదలైందట. ఆమె చనిపోయేంతవరకూ ఆ ప్రేమ కొనసాగిందట. ఈ విషయాన్ని కమల్ (Kamal Haasan) ఇటీవల ఓ ఇంటర్వ్యూలో చెప్పారు.
నేను ఎన్ని పెళ్లిళ్లు చేసుకున్నా, నా మొదటి ప్రేమ మరచిపోలేను. కొన్ని ప్రేమకథలు పెళ్లితో అంతం కావు. ఎవరు ఎవరిని పెళ్లి చేసుకున్నా తమ మనసులో ఒకరికి స్థానం అనేది ఎప్పుడూ ఉంటుంది. అలా నా జీవితంలో ఆ ఒక్కరు శ్రీవిద్య మాత్రమే అని కమల్ హాసన్ చెప్పారు. దీంతో ఆయన మాటలు ఇప్పుడు సోషల్‌ మీడియాలో వైరల్ అవుతున్నాయి.
ఇక శ్రీవిద్య సంగతి చూస్తే… వేరే వ్యక్తిని వివాహం చేసుకొని జీవితంలో అనేక కష్టాలను అనుభవించింది. ఆస్తి కోసమే తనను ఆ వ్యక్తి పెళ్లి చేసుకున్నాడని తెలుసుకుని విడాకులు తీసుకొని ఒంటరి జీవితాన్ని గడిపింది. చివరికి క్యాన్సర్‌తో పోరాడి తుది శ్వాస విడిచింది. అయితే శ్రీవిద్య ఆఖరి సమయంలో కమల్ దగ్గరే ఉన్నారట. నా చివరి క్షణాల్లో అయినా నీతో ఉండాలని అనుకుంటున్నా అని ఆమె అనడంతో కమల్ అలా చేశారట. ఎంతైనా తొలి ప్రేమ కదా.
ఈ ఏడాది ప్రేక్షకుల్ని ఆకట్టుకున్న తెలుగు సినిమాలు!
ఈ ఏడాది వచ్చిన 10 రీమేక్ సినిమాలు… ఎన్ని హిట్టు.. ఎన్ని ఫ్లాప్?
ఈ ఏడాది ప్రేక్షకులు తలపట్టుకొనేలా చేసిన తెలుగు సినిమాలు!
Home