ప్రముఖ హాలీవుడ్‌ దర్శకుడు, మెక్సికోకు చెందిన అల్ఫాన్సో కారోన్‌ ఇటీవల మన దేశానికి విచ్చేశారు. ఈ క్రమంలో ఆయన చెన్నైకి వెళ్లగా… అక్కడ ప్రముఖ నటుడు కమల్ హాసన్ (Kamal Haasan) ఆయనకు ఆతిథ్యం ఇచ్చారు. దీనికి సంబంధించిన ఫొటోలు ఇప్పుడు సోషల్ మీడియాలో వైరల్ అవుతున్నాయి. అంతటి పెద్ద దర్శకుడు మన దగ్గరకు రావడం, కమల్‌ను కలవడం ఒక కారణమైతే… అందులో కొత్త ‘కాబోయే’ కపుల్‌ సిద్ధార్థ్‌ (Siddharth) , అదితి రావ్‌ హైదరీ (Aditi Rao Hydari) కూడా ఉండటం.
అల్ఫానో తన ఇంటిని సందర్శించిన ఫొటోలను సోషల్ మీడియాలో అభిమానులతో షేర్‌ చేస్తూ కమల్ హాసన్ ఆనందం వ్యక్తం చేశారు. అల్ఫాన్సో తనకు సోదరుడి లాంటివారని కమల్ అన్నాడు. తామిద్దరం సినిమా సంగతులు చాలా మాట్లాడుకున్నామని, కలసి భోజనం చేశామని కమల్ చెప్పారు. అలాగే అల్ఫాన్సోకు బంగినపల్లి మామిడి పళ్ల రుచి కూడా చూపించానని తెలిపారు. దీంతో ఈ విషయాలు ఇప్పుడు సోషల్ మీడియాలో వైరల్‌గా మారాయి.
కమల్ హాసన్ షేర్‌ చేసిన ఫొటోల్లో ప్రముఖ దర్శకుడు మణిరత్నం (Mani Ratnam) , ప్రముఖ సంగీత దర్శకుడు ఎ.ఆర్‌. రెహమాన్‌ (A.R.Rahman) , ప్రముఖ సినిమాటోగ్రాఫర్‌ రవి కె. చంద్రన్‌ (Ravi K. Chandran) , హీరో సిద్ధార్థ్‌, హీరోయిన్‌ అదితిరావు హైదరి తదితరులు ఉన్నారు. కమల్ హాసన్ ‘భారతీయుడు 2’ (Indian2) సినిమాలో సిద్ధార్థ్‌ నటిస్తున్న విషయం తెలిసిందే. అంతకుముందే కమల్ – సిద్ధార్థ్‌ మధ్య మంచి స్నేహం ఉంది, ఆ సినిమాతో ఇంకాస్త పెరిగింది అంటున్నారు. అందుకే ఈ ఫొటోలో వాళ్లు కూడా వచ్చారని టాక్‌.
సిద్ధార్థ్‌ – అదితి గత కొన్ని నెలలుగా ప్రేమలో ఉన్నారు. ఈ మధ్య అనపర్తి జిల్లాలోని అదితి వంశస్థుల సంస్థానం, దేవాలయంలో నిశ్చితార్థం కూడా జరిగింది. త్వరలో పెళ్లి పీటలు ఎక్కుతారని టాక్‌. అయితే పెళ్లి తేదీ విషయంలో ఎలాంటి సమాచారం లేదు. అంతేకాదు ఎంగేజ్మెంట్ సమాచారం కూడా సరిగ్గా చెప్పలేదు. ఏదో భోగట్టా అనేలానే వాళ్లి ఎంగేజ్మెంట్ గురించి తెలిసింది.
Home