టాలీవుడ్ ఇండస్ట్రీలో స్టార్ హీరోగా ఎంతో మంచి గుర్తింపు సంపాదించుకున్నటువంటి వారిలో నటుడు పవన్ కళ్యాణ్ ఒకరు. ఈయన ప్రస్తుతం సినిమాలపై కాస్త ఫోకస్ తగ్గించి రాజకీయాలపై ఆసక్తి చూపుతున్నారు . పవన్ కళ్యాణ్ ప్రస్తుత సినిమాలు ప్రేక్షకులకు అంతగా నచ్చకపోయినా ఒకప్పుడు ఈయన చేసిన సినిమాలు మాత్రం ఇప్పటికి ప్రేక్షకులను ఎంతగానో ఆకట్టుకున్నాయని చెప్పాలి. ఇలా ఎన్నో అద్భుతమైనటువంటి సినిమాలలో నటించి ఎంతో మంచి ఆదరణ సొంతం చేసుకున్నారు.
ఇక పవన్ కళ్యాణ్ నటించిన పాత సినిమాలను ఇప్పుడు కనుక తిరిగి విడుదల చేస్తే బారి స్థాయిలో కలెక్షన్స్ రాబడుతున్న సంగతి తెలిసిందే. ఇక పవన్ కళ్యాణ్ సినిమాలు అంటే సీనియర్ హీరోలకు కూడా ఎంతో ఇష్టమనే విషయం మనకు తెలిసిందే. ఈ క్రమంలోనే పవర్ స్టార్ పవన్ కళ్యాణ్ సినిమా అంటే నటుడు కమల్ హాసన్ కి (Kamal Haasan) కూడా చాలా ఇష్టమంటూ ఒక సందర్భంలో శృతిహాసన్ వెల్లడించారు.
ఇటీవల రౌండ్ టేబుల్ ఇంటర్వ్యూలో భాగంగా శృతిహాసన్ మాట్లాడుతూ ఈ విషయాలను వెల్లడించారు. పవన్ కళ్యాణ్ హీరోగా నటించిన తొలిప్రేమ సినిమా అంటే తన తండ్రి కమల్ హాసన్ కి చాలా ఇష్టమని ఈమె తెలియజేసారు. కమల్ హాసన్ పవన్ కళ్యాణ్ నటించిన తొలిప్రేమ సినిమాని ఇప్పటివరకు ఒక 100 సార్లు చూసి ఉంటారు అంటూ శృతిహాసన్ చేసినటువంటి ఈ కామెంట్స్ ప్రస్తుతం వైరల్ అవుతున్నాయి.
ఇక ఇదే సినిమాని అమితాబ్ బచ్చన్ గారు కూడా చాలా ఇష్టంగా చూస్తారని ఆయనకు వీలు కుదిరినప్పుడల్లా ఈ సినిమా చూస్తారు అంటూ తొలిప్రేమ డైరెక్టర్ ఓ సందర్భంలో వెల్లడించిన విషయం తెలిసిందే.
గుంటూరు కారం సినిమా రివ్యూ & రేటింగ్!
హను మాన్ సినిమా రివ్యూ & రేటింగ్!
‘గుంటూరు కారం’ తో పాటు 24 గంటల్లో రికార్డులు కొల్లగొట్టిన 15 ట్రైలర్ల లిస్ట్..!
Home