Kamal Haasan: కల్కి సీక్వెల్ గురించి కమల్ షాకింగ్ అప్ డేట్స్.. చెప్పిన విషయాలివే!

కోలీవుడ్ స్టార్ హీరోలలో ఒకరైన కమల్ హాసన్ (Kamal Haasan) కల్కి 2898 ఏడీ  (Kalki 2898 AD)సినిమాలో విలన్ రోల్ లో కేవలం రెండు సీన్లలో మాత్రమే కనిపించినా ఆ రెండు సన్నివేశాలలో తన అద్భుతమైన నటనతో ఆకట్టుకున్నారు. సుప్రీం యాస్కిన్ పాత్రకు కమల్ హాసన్ తన నటనతో ప్రాణం పోశారు. తాజాగా చెన్నైలో కల్కి 2898 ఏడీ సినిమా చూసిన కమల్ హాసన్ ఈ సినిమా గురించి మాట్లాడుతూ చేసిన కామెంట్స్ వైరల్ అవుతున్నాయి.

దర్శకుడు నాగ్ అశ్విన్ కల్కి సీక్వెల్ లో నా రోల్ ఎక్కువగా ఉంటుందని ముందే చెప్పారని కమల్ అన్నారు. ఒక ఫ్యాన్ గా కల్కి1 షూట్ లో పాల్గొన్నానని కమల్ పేర్కొన్నారు. భారతీయ సినిమా ప్రస్తుతం గ్లోబల్ స్థాయిలో సందడి చేస్తోందని ఆయన చెప్పుకొచ్చారు. నాగ్ అశ్విన్ కు (Nag Ashwin) సహనం ఎక్కువని కమల్ హాసన్ కామెంట్స్ చేశారు. పురాణాలను సైన్స్ తో ముడిపెట్టి నాగ్ అశ్విన్ కల్కి సినిమాను అందంగా రూపొందించారని ఆయన పేర్కొన్నారు.

నన్ను యంగ్ హీరోల జాబితాలో చేర్చాలా లేక అలనాటి నటుల జాబితాలో చేర్చాలా అంటూ నాగ్ అశ్విన్ ఆలోచించారని కమల్ హాసన్ షాకింగ్ కామెంట్స్ చేశారు. నాగ్ అశ్విన్ కల్కి 2898 ఏడీ మూవీ కథను ఎంతో ఓపికగా రాసుకున్నారని అంతే ఓపికగా ఈ సినిమాను తెరకెక్కించడం జరిగిందని కమల్ హాసన్ వెల్లడించారు. కమల్ హాసన్ చేసిన కామెంట్స్ కల్కి సీక్వెల్ పై అంచనాలను మరింత పెంచాయి.

కమల్ హాసన్ మరికొన్ని వారాల్లో ఇండియన్2 సినిమాతో ప్రేక్షకుల ముందుకు రానున్నారు. ఈ సినిమాపై ఒకింత భారీ అంచనాలు నెలకొనగా ఎలాంటి ఫలితాన్ని అందుకుంటుందో చూడాల్సి ఉంది. మూడు వారాల గ్యాప్ లో కమల్ హాసన్ నటించిన రెండు సినిమాలు థియేటర్లలో రిలీజ్ అవుతుండటం హాట్ టాపిక్ అవుతోంది. కమల్ తర్వాత సినిమాలు ఎలాంటి ఫలితాలను అందుకుంటాయో చూడాలి.