Kamal Hassan: ఆ కారణంతోనే ప్రాజెక్టు కే లో నటిస్తున్నా: కమల్ హాసన్

నాగ్ అశ్విన్ దర్శకత్వంలో ప్రభాస్ హీరోగా పాన్ ఇండియా స్థాయిలో ప్రేక్షకుల ముందుకు రాబోతున్న చిత్రం ప్రాజెక్టు కే. అత్యంత భారీ బడ్జెట్ సినిమాగా హాలీవుడ్ ఇండస్ట్రీని టార్గెట్ చేస్తూ ఈ సినిమాని తెరకెక్కిస్తున్నట్టు తెలుస్తుంది. అయితే తాజాగా కామిక్ కాన్ ఈవెంట్ లో భాగంగా ఈ సినిమా టైటిల్ తో పాటు గ్లింప్ కూడా విడుదల చేసిన విషయం మనకు తెలిసిందే. ఇక ఈ సినిమాకు కల్కి 2989 ఏ డీ అనే టైటిల్ ఖరారు చేశారు.

ఇక ఈ వేడుకలో భాగంగా చిత్ర బృందం పాల్గొన్న సంగతి మనకు తెలిసిందే. అయితే ఈకార్యక్రమం అనంతరం చిత్ర బృందం హాలీవుడ్ మీడియాతో మాట్లాడుతూ వారు అడిగే ప్రశ్నలకు సమాధానాలు చెప్పారు. ఇలా పాన్ ఇండియా స్థాయిలో అత్యంత భారీ బడ్జెట్ సినిమాగా ప్రేక్షకుల ముందుకు రాబోతున్నటువంటి ఈ సినిమాలో బాలీవుడ్ నటుడు అమితాబ్ బచ్చన్, దీపికా పదుకొనే, కమల్ హాసన్ వంటి స్టార్ సెలబ్రిటీలు నటిస్తున్న విషయం మనకు తెలిసిందే.

ఇప్పటివరకు హీరోగా ఎన్నో అద్భుతమైన సినిమాలలో నటిస్తూ ఎంతో మంచి గుర్తింపు సంపాదించుకున్నటువంటి కమల్ హాసన్ ఈ సినిమాలో మాత్రం విలన్ పాత్రలో నటిస్తున్నారు. ఈ సినిమాలో కమల్ హాసన్ పాత్ర చాలా క్రూరంగా ఉండబోతుందని తెలుస్తుంది.ఇలా హీరోగా ఎంతో మంచి గుర్తింపు సంపాదించుకున్నటువంటి కమల్ హాసన్ విలన్ పాత్రలో నటించడానికి గల కారణం ఏంటి అని ప్రశ్నించారు.

ఈ ప్రశ్నకు కమల్ హాసన్ (Kamal Hassan) సమాధానం చెబుతూ.. ఒక హీరో పుట్టాలి అంటే విలన్ తప్పకుండా ఉండాలి. ఒక సినిమాలో హీరో రోల్ ఎంత ముఖ్యమో విలన్ పాత్ర కూడా అంతే ముఖ్యమనీ తాను నమ్ముతానని ఈయన తెలిపారు. అందుకే ఈ సినిమాలో తాను విలన్ పాత్రలో నటించానని సమాధానం చెప్పారు.

ఇక ఇప్పటివరకు విడుదల చేసిన గ్లింప్ వీడియోలో కమల్ హాసన్ కనిపించలేదని ప్రశ్నించడంతో ఈ వీడియో మొత్తం ఆయనే ఉన్నారు కానీ అది మీకు తెలియదు అంటూ రానా చేసినటువంటి కామెంట్స్ వైరల్ గా మారాయి. దీంతో ఈ వీడియోలో కమల్ ఎక్కడున్నారని వెతికే పనిలో పడ్డారు అభిమానులు.

హిడింబ సినిమా రివ్యూ & రేటింగ్!

అన్నపూర్ణ ఫోటో స్టూడియో సినిమా రివ్యూ & రేటింగ్!
హత్య సినిమా రివ్యూ & రేటింగ్!