బాలీవుడ్ నటుడు అమీర్ ఖాన్ కరీనాకపూర్ జంటగా అద్వైత చందన్ దర్శకత్వంలో తెరకెక్కిన చిత్రం లాల్ సింగ్ చద్దా. ఈ సినిమా ఎన్నో అంచనాల నడుమ ఆగస్టు 11వ తేదీ ప్రేక్షకుల ముందుకు వచ్చింది. ఇక ఈ సినిమా థియేటర్లో విడుదలయి మిశ్రమ స్పందన దక్కించుకుంది. ఎన్నో అంచనాల నడుమ విడుదలైన ఈ సినిమా ఆశించిన ఫలితాలను అందుకోలేకపోయిందని చెప్పాలి.
ఈ సినిమా ఆశించిన స్థాయిలో ఫలితాన్ని అందుకోకపోవడానికి గల కారణం కేవలం నెగిటివ్ ప్రచారమే అని తెలుస్తోంది. ఈ సినిమాని బాయ్ కాట్ చేయాలని, ఎవరు ఈ సినిమాని చూడకూడదంటూ హష్ ట్యాగ్ ట్రెండ్ చేస్తూ ఉన్నారు.ఇలా ఈ సినిమా గురించి పెద్ద ఎత్తున నెగిటివ్ ప్రచారం చేయడంతో ఈ వార్తలపై కరీనాకపూర్ స్పందించారు. ఈ సందర్భంగా ఆమె మాట్లాడుతూ.. సోషల్ మీడియా వేదిక కొందరు ఉద్దేశపూర్వకంగా మా సినిమాని ట్రోల్ చేస్తున్నారు.
ఈ సినిమాని ట్రోల్ చేసినప్పటికీ ఈ సినిమాకు వస్తున్న స్పందన మరోలా ఉంది అంటూ ఈమె వెల్లడించారు.
కొందరు ఉద్దేశపూర్వకంగానే ఈ సినిమాని టార్గెట్ చేస్తూ ఇలా చేస్తున్నారని అయితే ఈ సినిమా ప్రతి ఒక్కరు తెరపై చూడాల్సిన సినిమా అంటూ ఈమె తెలిపారు.ఈ సినిమా కోసం దాదాపు రెండున్నర సంవత్సరాల నుంచి కొన్ని వందల మంది ఆర్టిస్టులు కష్టపడ్డామని,దయచేసి ఈ సినిమాని బహిష్కరించండి అంటూ నెగిటివ్ ప్రచారం చేయొద్దు అంటూ ఈమె చేతులు జోడించి అందరిని వేడుకున్నారు.
ఇకపోతే ఈ సినిమా హాలీవుడ్ సూపర్ హిట్ చిత్రం ఫారెస్ట్ గంప్ సినిమాకి రీమేక్ చిత్రంగా తెరకెక్కించారు. ఈ సినిమాతో టాలీవుడ్ నటుడు నాగచైతన్య బాలీవుడ్ ఎంట్రీ ఇచ్చారు. ఇక ఈ సినిమాని నటుడు అమీర్ ఖాన్ తన సొంత బ్యానర్ లో నిర్మించారు.ఈ సినిమా పాన్ ఇండియా స్థాయిలో పలు భాషలలో విడుదలైనప్పటికీ ఆశించిన స్థాయిలో ఫలితాలను అందుకోలేదని చెప్పాలి.
Most Recommended Video
తరుణ్,ఎన్టీఆర్ టు కళ్యాణ్ రామ్.. సినిమాల్లో చనిపోయే పాత్రలు చేసిన స్టార్లు..!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
