ఎవరూ ముందుకు రారు అనుకుంటే.. తమిళ స్టార్లు వస్తున్నారుగా..

September 13, 2024 / 09:32 PM ISTByFilmy Focus

Join Us

ఎవరూ ముందుకు రారు అనుకుంటే.. తమిళ స్టార్లు వస్తున్నారుగా..

సెప్టెంబర్ 27.. ‘దేవర’ (Devara) సినిమా టీమ్‌ భలే డేట్ పట్టేసింది అని అనుకుంటున్నారు సినిమా జనాలు. ఎందుకంటే ఆ సిని (Devara) జాతరే అని అనుకుంటున్నారు. అయితే అనూహ్యంగా ఆ డేట్‌కి రావడానికి మరో సినిమా టీమ్‌ ప్లాన్‌ చేసుకుంటోంది. అన్నీ అనుకున్నట్లుగా జరిగితే సెప్టెంబరు 27న వస్తాం అంటున్నాడు కార్తి (Karthi).

అవును, కార్తి – అరవింద్‌ స్వామి (Arvind Swamy) కలసి నటించిన కొత్త సినిమాను సెప్టెంబరు 27న విడుదల చేయనున్నారు. గత కొన్ని రోజులుగా ఈ సినిమా గురించి ఎక్కడా పెద్దగా హడావుడి లేకపోవడం.. తెలుగులో తీసుకొస్తారనే సమాచారం లేకపోవడంతో సెప్టెంబరు 27న తారక్‌ సోలో డేట్‌ అనుకున్నారంతా. అయితే ఇప్పుడు ఆ రోజున కార్తి – అరవింద్‌ స్వామి వస్తానంటున్నారు.

మరిన్ని సినిమా వార్తలు.

‘మెయిళగన్‌’ అనే పేరుతో రూపొందుతున్న ఈ సినిమాను తెలుగులో ‘సత్యం సుందరం’ పేరుతో డబ్బింగ్‌ చేసి విడుదల చేయాలని టీమ్‌ ప్లాన్‌ చేస్తోంది. ఆ లెక్కన తారక్‌తో కార్తి ఫేస్ టు ఫేస్‌కు సిద్ధపడుతున్నాడు అని చెప్పొచ్చు. ఈ సినిమాను తెలుగు రాష్ట్రాల్లో సురేష్ – ఏషియన్ పంపిణీ చేస్తోందంటున్నారు. ఆ లెక్కన వారికి చెప్పుకోదగ్గ థియేటర్లే దొరుకుతాయి.

Devara

మరోవైపు ‘ఖైదీ’ (Kaithi) సినిమా నుండి కార్తీకి తెలుగులో మంచి మార్కెటే ఉంది. దీంతో ‘సత్యం సుందరం’ సినిమా బాగుంటే మంచి ఆదరణే దక్కొచ్చు అని చెబుతున్నారు. అయితే ‘దేవర’ ప్రస్తుతం చేస్తున్న సౌండ్‌కి వేరే సినిమా పోటీలో ఉంటే నిలుస్తుందా అనేది ఆసక్తికరంగా మారింది. అయితే ఈ దర్శకుడు సి.ప్రేమ్‌ కుమార్‌ సామాన్యుడు కాడు. ‘96’ సినిమాతో గతంలో యువత మనసుల్ని మెలితిప్పింది ఆయనే.

విలేజ్ డ్రామా కథతో అలాగే ఒకే రాత్రిలో జరిగే పాయింట్‌తో ‘సత్యం సుందరం’ సిద్ధం చేశారు. మరి ఎలాంటి స్పందనను అందుకుంటుందో చూడాలి. వచ్చే వారం ప్రమోషన్‌ కోసం హైదరాబాద్ వస్తారట. అప్పుడు ఇంకాస్త క్లారిటీ వస్తుంది.