Kathanar : భారీ ప్రాజెక్ట్ తో ప్రేక్షకుల ముందుకు అనుష్క.. కథనార్ ట్రైలర్ ఎలా ఉందంటే ?

March 31, 2026 / 04:23 PM ISTByFilmy Focus Desk

Join Us

లేడీ ఓరియెంటెడ్ సినిమాలను మరొక స్థాయికి తీసుకెళ్లిన హీరోయిన్ అనుష్క శెట్టి, మరోసారి భారీ ప్రాజెక్ట్‌తో ప్రేక్షకుల ముందుకు రాబోతున్నారు. అరుంధతి, భాగమతి వంటి చిత్రాలతో తన ప్రత్యేకమైన గుర్తింపును సంపాదించిన ఆమె, ఇప్పుడు మలయాళ సినిమాలో అడుగుపెడుతూ ఆసక్తిని పెంచుతున్నారు. ఆమె నటిస్తున్న ‘కథనార్’ ట్రైలర్ తాజాగా విడుదలై సోషల్ మీడియాలో వైరల్ అవుతుంది.

Kathanar

ట్రైలర్ మొదటి ఫ్రేమ్ నుంచే డార్క్ టోన్, రిచ్ విజువల్స్‌తో ఆకట్టుకుంటుంది. ప్రతి సీన్‌లో కనిపించే గ్రాఫిక్స్, విజువల్ ఎఫెక్ట్స్ చూసిన వారు ఇది ఇండియన్ సినిమా కాదు, హాలీవుడ్ లెవెల్ ప్రాజెక్ట్ అనిపించేలా ఉందని కామెంట్స్ చేస్తున్నారు. ముఖ్యంగా వీఎఫ్ఎక్స్ వర్క్ చాలా క్లియర్‌గా, సహజంగా కనిపించడం ఈ చిత్రానికి ప్లస్ పాయింట్‌గా మారనుందని అర్ధం అవుతుంది. సినిమాటోగ్రఫీ మరొక ప్లస్ పాయింట్.

ఈ సినిమాలో జానపద కథల్ని ఆధునిక టెక్నాలజీతో మేళవించడం ప్రత్యేక ఆకర్షణగా కనిపిస్తోంది. రొటీన్ కథలా కాకుండా, కొత్త తరహా స్క్రీన్‌ప్లేతో కథ ముందుకు సాగేలా ట్రైలర్ హింట్ ఇస్తోంది. అలాగే ప్రభు దేవా కనిపించిన సన్నివేశాలు సినిమాపై అంచనాలను మరింత పెంచుతున్నాయి.

ట్రైలర్‌లో వినిపించే డైలాగ్స్ కూడా ప్రేక్షకుడిని ఒక కొత్త ప్రపంచంలోకి తీసుకెళ్తున్నాయి. మిస్టరీ, మేజిక్, విజ్ఞానం అన్నీ కలిసిన ఈ కథలో ప్రతి షాట్ ఒక విజువల్ ట్రీట్‌లా అనిపిస్తోంది. కాగా ఈ చిత్రానికి రోజిన్ థామస్ దర్శకత్వం వహిస్తున్నాడు. మొత్తానికి, అనుష్క శెట్టి ఈ సినిమా ద్వారా మలయాళ ఎంట్రీతో భారీ హిట్ అందుకునేలా కనిపిస్తున్నారు. ఈ సినిమా భారతీయ భాషలతో పాటు ఫ్రెంచ్, కొరియన్, ఇటాలియన్, ఇండోనేషియన్, జర్మన్ మరియు ఇతర అంతర్జాతీయ భాషలతో సహా 15 భాషల్లో విడుదల కానుంది. ఈ భారీ విశువల్ వండర్ ‘కథనార్’ సినిమా విడుదల తర్వాత ఎలాంటి సెన్సేషన్ సృష్టిస్తుందో చూడాలి.