నేను శైలజ మూవీతో తెలుగు ప్రజలకు పరిచయమయిన కీర్తి సురేష్ … నేను లోకల్ తో వరుసగా రెండు విజయాలను సొంతం చేసుకుంది. అజ్ఞాతవాసిలోను ఆకట్టుకుంది. తమిళంలోనూ రెమో వంటి విజయాలను తన ఖాతాలో వేసుకుంది. మహానటి సినిమాతో మరింత క్రేజ్ సొంతం చేసుకుంది. రీసెంట్ గా విశాల్ తో సండా కోజి 2 (పందెం కోడి సీక్వెల్)లో పల్లెటూరి పిల్లగా నటించి సందడి చేసింది. ఇప్పుడు మురుగ‌దాస్ దర్శకత్వంలో తెరకెక్కిన సర్కార్ సినిమాలో విజయ్ కి జోడీగా నటించింది. ఈ మూవీ న‌వంబ‌ర్‌ 6న రిలీజ్ కానుంది. ఈ సందర్భంగా మీడియా ముందుకు వచ్చిన కీర్తి ఆసక్తికర సంగతులు చెప్పింది.
ఓ ఇంటర్వ్యూలో ఆమె మాట్లాడుతూ.. “విజయ్ సేతుపతి విలక్షణమైన నటుడు. ఆయన నటన చాలా డిఫరెంట్ గా ఉంటుంది. అందుకే అతనితో కలిసి పనిచేయాలన్నది నా కోరిక. అంతేకాదు ఎప్పటికైనా సినిమాకు దర్శకత్వం వహించాలని ఉంది. ఈ రెండు కోరికలు మనసులో ఉండిపోయాయి” అని వెల్లడించింది. కీర్తి సురేష్ తండ్రి సురేష్ కుమార్ కి నిర్మాణంలో మంచి అనుభవం ఉంది. సో కీర్తి మెగా ఫోన్ పట్టుకుంటే మాత్రం నిర్మాత సమస్యలేదు. ఇక ఏ హీరోని డైరక్ట్ చేస్తారనేది మాత్రం ఇంట్రస్ట్ గా ఉంది.
Home