త్రివిక్రమ్, పవన్ మూవీలో హీరోయిన్ గా కేరళ భామ

మాటల మాంత్రికుడు త్రివిక్రమ్ శ్రీనివాస్ వరుస విజయాలతో దూసుకుపోతున్నారు. పవర్ స్టార్ పవన్ కళ్యాణ్ తో ఆయన తెరకెక్కించనున్న మూడో సినిమా పనులు ఊపందుకున్నాయి. తమిళ సంగీత దర్శకుడు అనిరుధ్ అద్భుతమైన పాటలను కంపోజ్ చేయడంలో నిమగ్నమయి ఉన్నారు. హారిక అండ్ హాసిని క్రియేషన్స్ బ్యానర్లో రాధాకృష్ణ నిర్మిస్తున్న ఈ మూవీ గురించి తాజా సమాచారం బయటికి వచ్చింది. ఇందులో పవన్ సరసన ఇద్దరు హీరోయిన్లు నటించనున్నారని తెలిసింది.

ప్రధాన హీరోయిన్ గా అ..ఆ లో నటించిన అనుపమ పరమేశ్వరన్ ని ఎంపిక చేశారు. రెండో హీరోయిన్ కోసం అన్వేషిస్తున్నారు. క్రేజీ బ్యూటీ సమంతను తీసుకోవడం లేదని చిత్ర బృందం స్పష్టం చేసింది. త్రివిక్రమ్ అత్తారింటికి దారేది మూవీ నుంచి సమంతను వదల లేదు. సన్నాఫ్ సత్యమూర్తి, అ..ఆ లో లీడ్ హీరోయిన్ గా అవకాశం ఇచ్చారు. ఇప్పుడు ఆమెను పక్కన పెట్టారు. “దేవుడే దిగివచ్చిన” టైటిల్ అనుకుంటున్న ఈ మూవీ వచ్చే నెల నుంచి రెగ్యులర్ షూటింగ్ జరుపుకోనుంది. ప్రస్తుతం డాలీ దర్శకత్వంలో కాటమరాయుడు చిత్రం షూటింగ్ లో పవన్ బిజీగా ఉన్నారు. ఈ సినిమా షెడ్యూల్ గ్యాప్ లో త్రివిక్రమ్ మూవీలో నటించనున్నారు.