ఖైదీ విడుదల తేదీకి గురిపెట్టిన గురు..!

ముందు నుండి ఈ సంక్రాంతికి బాక్సాఫీస్ వద్దకొచ్చే సినిమాలపై రచ్చరచ్చగా చర్చలు జరుగుతూనే ఉన్నాయి. అగ్ర హీరోలతోపాటు పలువురు యువ హీరోలు సంక్రాంతి పండక్కి తెరమీదికొక్కుచేందుకు ఉత్సాహం చూపారు. అయితే తొమ్మిదేళ్ల తర్వాత చిరు బరిలో దిగడం, బాలయ్య ప్రతిష్టాత్మక వందో చిత్రం అదే సమయమని వస్తుండటంతో సీనియర్ హీరో నాగ్ సహా యువ హీరోలు వెనక్కి తగ్గక తప్పింది కాదు. అయితే ఇప్పుడిదే తేదీకి వెంకీ గురి పెట్టాడట.

‘బాబు బంగారం’ బంగారం సినిమా పరాజయంగా నిలవడం, అంతకుముందు భారీ గ్యాప్ రావడం వంటి వాటికి బదులుగా ఈసారి తన విక్టరీ పవర్ చూపించాలన్నా కసితో వెంకీ చేస్తున్న చిత్రం ‘గురు’. తమిళ, హిందీ భాషల్లో విజయం సాధించిన ఈ చిత్రంపై దగ్గుబాటి వర్గాలు గట్టి నమ్మకమే పెట్టుకున్నాయి. తొలుత ఈ సినిమాని మూడంటే మూడు నెలలో పూర్తి చేసి డిసెంబర్ నాటికి విడుదల చేసేందుకు వ్యూహం రచించారు. అయితే పలు కారణాల వల్ల డిసెంబర్ విడుదల సాధ్యం కాదని తలచి, సినిమాని సంక్రాంతి బరిలో నిలిపేందుకు తీర్మానించుకున్నారట. దీనిపై అధికారిక కబురు అందాల్సి ఉంది. ఏమైనా ఈసారి బాక్సాఫీస్ పోరు మరింత రసవత్తరం కానుందన్నది వాస్తవం.