బాస్ కి బూస్ట్ ఇచ్చిన భారీ కలెక్షన్స్

10 ఏళ్ల తర్వాత వస్తున్నాడు ప్రేక్షకులు ఆయన్ని ఆదరిస్తారంటారా అంటూ అనుమానం వ్యక్తం చేసిన వారందరి అంచనాలను తారుమారు చేస్తూ.. తెలుగు సినిమా చరిత్రలోనే హయ్యస్ట్ గ్రాసర్ గా నిలిచింది “ఖైదీ నంబర్ 150”. ఆఖరికి “బాహుబలి” రికార్డులను కూడా బ్రేక్ చేయడం అనేది ఇక్కడ గమనార్హం. ప్రపంచవ్యాప్తంగా ఫస్ట్ డే కలెక్షన్స్ 37 కోట్లు వసూలు చేసి “ఖైదీ నంబర్ 150” అభిమానులను ఆనందంతో ముంచెత్తి.. విమర్శకుల నోళ్ళు మూయించింది. నేడు హైద్రాబాద్ లో ప్రెస్ మీట్ పెట్టి మరీ కలెక్షన్స్ ను రివీల్ చేసిన అల్లు అరవింద్ చిరంజీవి తదుపరి చిత్రాల వివరాలను కూడా వెల్లడించారు, చిరంజీవి 151వ చిత్రం మళ్ళీ “కొణిదెల ప్రొడక్షన్స్”లోనే ఉంటుందని ఆ చిత్రానికి సురేందర్ రెడ్డి దర్శకత్వం వహించే అవకాశాలున్నాయని చెప్పిన అరవింద్.. 152వ సినిమా గీతా ఆర్ట్స్ సంస్థలో బోయపాటి దర్శకత్వంలో ఉండబోతోందని వెల్లడించారు.

ఇకపోతే.. నేడు విడుదలైన “గౌతమిపుత్ర శాతకర్ణి” విపరీతమైన పాజిటివ్ టాక్ తెచ్చుకోవడంతో.. ఆ ఎఫెక్ట్ “ఖైదీ నంబర్ 150″పై ఉంటుందేమో అని సినీ విశ్లేషకులు అంచనా వేస్తున్నారు. అయితే.. ఎంత పాజిటివ్ టాక్ ఉన్నా చిరంజీవి సినిమాకి వచ్చేది కేవలం చిరంజీవి డ్యాన్సులు, ఆయన కామెడీ టైమింగ్ ను ఎంజాయ్ చేయడానికే కాబట్టి “శాతకర్ణి” ఎఫెక్ట్ సినిమాపై పెద్ద ఉండబోదని ఇండస్ట్రీ పెద్దలు అభిప్రాయపడుతున్నారు. చూద్దాం ఏం జరుగుతుందో!

Also, do SUBSCRIBE to our YouTube channel to get latest Tollywood updates.