మాస్ డైరక్టర్ వి.వి వినాయక్ దర్శకత్వంలో మెగాస్టార్ చిరంజీవి నటించిన తొలి సినిమా ఠాగూర్. ఇందులో యాక్షన్ సీక్వెన్స్ తో పాటు చిరు డైలాగులు అదిరిపోతాయి. ముఖ్యంగా కోర్ట్ సీన్ హైలెట్ గా నిలిచింది. ఇటువంటి సన్నివేశం ఖైదీ నంబర్ 150లో ఉందని సమాచారం. మెగా పవర్ స్టార్ రామ్ చరణ్ తేజ్ నిర్మిస్తున్న ఈ మూవీ కొన్నిరోజుల క్రితం పాటల కోసం యూరప్ వెళ్లి వచ్చింది. దీంతో సినిమా 80 శాతం పూర్తి అయింది.
ఇదివరకే క్లైమాక్స్ కూడా పూర్తి చేసిన డైరక్టర్ పూర్తి కాన్సంట్రేషన్ కోర్ట్ సీన్ పై పెట్టారు. ఇందుకోసం పరుచూరి బ్రదర్స్ బలమైన డైలాగులు రాశారు. రామోజీ ఫిలిం సిటీలో వేసిన ప్రత్యేక కోర్ట్ హాల్ సెట్ లో ఈ సన్నివేశాన్ని షూట్ చేయనున్నారు. మరో రెండు రోజుల్లో చిత్రీకరణ మొదలుకానున్న ఈ సీన్ డైలాగ్ రిహార్సల్స్ లో చిరు బిజీగా ఉన్నారు. ఠాగూర్ కంటే మరింత బాగా రావాలని మెగాస్టార్ కష్టపడుతున్నట్లు ఆయన సన్నిహితులు చెప్పారు. మెగా అభిమానుల అంచనాలకు మించి ఉండేలా వినాయక్ తెరకెక్కిస్తున్న ఈ మూవీ సంక్రాంతికి రిలీజ్ కానుంది.
Also, do SUBSCRIBE to our YouTube channel to get latest Tollywood updates.
