Kiraak RP: ఆర్పీ కామెంట్లకు వాళ్లు మాత్రం మద్దతు ఇచ్చారా?

July 16, 2022 / 06:23 AM ISTByFilmy Focus

Join Us

Kiraak RP: ఆర్పీ కామెంట్లకు వాళ్లు మాత్రం మద్దతు ఇచ్చారా?

జబర్దస్త్ షో ద్వారా ఊహించని స్థాయిలో పాపులారిటీని సొంతం చేసుకున్న వాళ్లలో కిరాక్ ఆర్పీ ఒకరు. కిరాక్ ఆర్పీ కామెడీకి ఎంతోమంది అభిమానులు ఉన్నారు. ప్రస్తుతం జబర్దస్త్ కు దూరమైన ఆర్పీ కామెడీ స్టార్స్ షోలో కమెడియన్ గా కెరీర్ ను కొనసాగిస్తున్నారు. తాజాగా ఒక యూట్యూబ్ ఛానల్ కు ఇచ్చిన ఇంటర్వ్యూలో ఆర్పీ చేసిన కామెంట్లు ప్రస్తుతం నెట్టింట వైరల్ అవుతున్నాయి. హైపర్ ఆది, రామ్ ప్రసాద్ చేసిన కామెంట్ల గురించి ఆర్పీ ఎక్కువగా స్పందించలేదు.

అయితే షేకింగ్ శేషు చేసిన కామెంట్ల గురించి మాత్రం ఆర్పీ చాలా సీరియస్ అయ్యారు. మల్లెమాల సంస్థ గురించి నేను చేసిన కామెంట్లు అన్నీ నిజమేనని నేను చేసిన కామెంట్లకు ప్రూఫ్స్ ఉన్నాయని ఆర్పీ చెప్పుకొచ్చారు. తాను యూట్యూబ్ ఛానల్ కు ఇంటర్వ్యూ ఇచ్చిన తర్వాత జబర్దస్త్ షోలో పని చేస్తున్న వాళ్లు నేను బాగా అడిగానని కామెంట్లు చేశారని ఆర్పీ వెల్లడించారు. నేను ఓపెన్ అయ్యానని చాలామంది ఫోన్లు, మెసేజ్ లు చేశారని ఆర్పీ చెప్పుకొచ్చారు.

జబర్దస్త్ వాళ్లు నన్ను సపోర్ట్ చేసిన ఆడియో టేప్ లు నా దగ్గర ఉన్నాయని అయితే వాటిని తాను బయటపెట్టనని ఆర్పీ పేర్కొన్నారు. రామ్ ప్రసాద్, ఆది చేసిన కామెంట్లకు నేను కౌంటర్ ఇవ్వగలనని ఆర్పీ చెప్పుకొచ్చారు. షేకింగ్ శేషును తాను వదలనని ఆర్పీ అన్నారు. నేను చెప్పిన విషయాలు నిజాలు కాదని ప్రూవ్ చేస్తే గుండు చేయించుకోవడానికి కూడా సిద్ధమేనని ఆర్పీ తెలిపారు. ఆర్పీ వెల్లడించిన విషయాలు ప్రస్తుతం హాట్ టాపిక్ అయ్యాయి.

అయితే జబర్దస్త్ షోకు సంబంధించిన కొందరు మాత్రం ఆర్పీ కామెంట్లను ఖండిస్తున్నారు. ఆర్పీ చెప్పిన మాటల్లో నిజం లేదని వాళ్లు అభిప్రాయపడుతున్నారు. జబర్దస్త్ షో ద్వారా ఆర్పీకి మంచి గుర్తింపు దక్కిందని అలాంటి సంస్థపై ఆర్పీ విషం కక్కడం సరికాదని కామెంట్లు వ్యక్తమవుతున్నాయి. ఆర్పీ కామెంట్ల గురించి నెటిజన్ల నుంచి భిన్నాభిప్రాయాలు వ్యక్తమవుతున్నాయి.