వైష్ణవ్ తేజ్, రకుల్ ప్రీత్ సింగ్ హీరోహీరోయిన్లుగా క్రిష్ డైరెక్షన్ లో తెరకెక్కిన కొండపొలం సినిమా ఈ నెల 8వ తేదీన థియేటర్లలో రిలీజ్ కానుంది. ఈ సినిమా ప్రమోషన్స్ లో భాగంగా వైష్ణవ్ తేజ్ ఇంటర్వ్యూలు ఇస్తూ కొండపొలం అంటే ఊరిలో కరువు వస్తే గొర్రెలు తీసుకొని అడవికి వెళ్లి బ్రతకడం అని వైష్ణవ్ వెల్లడించారు. కడప యాసలో తాను ఈ సినిమాలో కనిపిస్తానని పేర్కొన్నారు. సినిమాలో తాత చెప్పే మాటలను విని తాను కొండపొలానికి వెళతానని వైష్ణవ్ తేజ్ చెప్పుకొచ్చారు.
సినిమాలో పులితో ఫైట్ ఉంటుందని వైష్ణవ్ చెప్పగా సినిమాకు ఈ సీన్ హైలెట్ కానుందని తెలుస్తోంది. ఫైట్ మాస్టర్ వెంకట్ యాక్షన్ సీక్వెన్స్ లను చేయించారని వైష్ణవ్ పేర్కొన్నారు. సినిమాలో క్యూట్ రొమాంటిక్ సీన్లు ఉంటాయని వైష్ణవ్ తేజ్ పేర్కొన్నారు. ఎవరు హీరోయిన్ పాత్రకు సూట్ అవుతారో తనకు ఐడియా లేదని క్రిష్ గారు ఈ సినిమాలో రకుల్ ను ఎంపిక చేశారని వైష్ణవ్ చెప్పుకొచ్చారు. విభిన్నమైన కథలను ఎంచుకోవడం గురించి స్పందిస్తూ తనకు కొత్త పాత్రలు ఇస్తున్నందుకు థ్యాంక్స్ అని వైష్ణవ్ అన్నారు.
కొండపొలం కథ విన్న తరువాత పవన్ కళ్యాణ్ కు చెబితే నటించమని చెప్పారని వైష్ణవ్ వెల్లడించారు. సినిమాలో క్యూట్ ఫాదర్ సన్ బాండింగ్ ఉంటుందని వైష్ణవ్ తెలిపారు. రకుల్ విలేజ్ గర్ల్ గా డల్ లుక్ లో కనిపిస్తారని వైష్ణవ్ అన్నారు. చాలా సరదాగా ఈ సినిమా షూటింగ్ జరిగిందని వైష్ణవ్ వెల్లడించారు. కొండపొలంపై భారీగా అంచనాలు ఉన్న నేపథ్యంలో ఈ సినిమా కూడా ఉప్పెన సినిమాలా భారీ బ్లాక్ బస్టర్ హిట్ అవుతుందేమో చూడాల్సి ఉంది.
Most Recommended Video
హిట్ టాక్ వచ్చిన తర్వాత ఈ 10 సినిమాల్లో సీన్స్ లేదా సాంగ్స్ యాడ్ చేశారు..!
‘బిగ్ బాస్5’ ప్రియాంక సింగ్ గురించి ఆసక్తికరమైన విషయాలు..!
ఇప్పటవరకూ ఎవరు చూడని ‘బిగ్ బాస్5’ విశ్వ రేర్ ఫోటో గ్యాలరీ!
Home