యంగ్ టైగర్ ఎన్టీఆర్ ‘ఆర్ఆర్ఆర్’ సినిమా కోసం దాదాపు మూడేళ్లపాటు వెండితెరకు దూరమయ్యారు. రీసెంట్ గా ఈ సినిమా ప్రేక్షకుల ముందుకు వచ్చి భారీ విజయాన్ని అందుకుంది. ఈ సినిమా షూటింగ్ పూర్తయి చాలా కాలమవుతున్నా.. ఇప్పటివరకు తన తదుపరి సినిమాను మొదలుపెట్టలేదు ఎన్టీఆర్. దర్శకుడు కొరటాల శివతో తన నెక్స్ట్ సినిమా ఉంటుందని ప్రకటించారు ఎన్టీఆర్. ఈ అప్డేట్ వచ్చి కూడా ఏడాది దాటిపోయింది. కానీ ఇప్పటివరకు ఈ సినిమాపై ఎలాంటి అప్డేట్ ఇవ్వలేదు.
ఎట్టకేలకు దర్శకుడు కొరటాల శివ ఈ సినిమా గురించి మాట్లాడారు. ‘ఆచార్య’ సినిమా ప్రమోషన్స్ లో భాగంగా ఎన్టీఆర్ సినిమా గురించి చెప్పారు. జూన్ నెల నుంచి ఈ సినిమా మొదలవుతుందని చెప్పారు. ఎన్టీఆర్ కోసం మంచి కథను సిద్ధం చేసినట్లు.. ప్రస్తుతం ప్రీప్రొడక్షన్ పనులు జరుగుతున్నాయని తెలిపారు. ఇప్పుడు ఇంతకనే సినిమా గురించి ఏమీ మాట్లాడనని అన్నారు. ‘ఆర్ఆర్ఆర్’ తరువాత ఎన్టీఆర్ నటించే సినిమా కాబట్టి.. పాన్ ఇండియా లెవెల్ లో రిలీజ్ చేస్తారా..? అని ప్రశ్నించగా..
తనకు అసలు పాన్ ఇండియా అనే పదమే నచ్చదని చెప్పారు కొరటాల. ఏ కథ అయినా.. ఎక్కువమంది చూడాలని రాస్తామే తప్ప.. తెలుగు ప్రేక్షకుల కోసం ఒకలా.. పాన్ ఇండియా మార్కెట్ కోసం మరోలా ఉండదని అన్నారు. సరైన కథను రాస్తే అందరూ చూస్తారని.. ఎన్టీఆర్ కోసం కూడా అలాంటి కథనే రాశానని చెప్పుకొచ్చారు. ఇక ఈ సినిమాలో ముందుగా అలియాభట్ ను హీరోయిన్ గా అనుకున్నారు. కానీ ఇప్పుడు ఆమె స్థానంలో మరొకరిని తీసుకోవాలనుకుంటున్నారు.
ప్రస్తుతం అలియా చాలా బిజీగా ఉంది. ఓ ఇంటర్నేషనల్ ప్రాజెక్ట్ కూడా ఒప్పుకుంది. ఇలాంటి సమయంలో ఆమె డేట్స్ కోసం ఎదురుచూడడం కష్టమని భావించిన కొరటాల.. ఆమెకి బదులుగా మరో హీరోయిన్ ను తీసుకోవాలనుకుంటున్నారు.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
తెలుగులో అత్యధిక థియేట్రికల్ బిజినెస్ చేసిన సినిమాల లిస్ట్..!
‘ఆర్.ఆర్.ఆర్’ తో పాటు బాక్సాఫీస్ వద్ద భారీ లాభాలను అందించిన 10 సినిమాల లిస్ట్..!
