ఈ మధ్య కాలంలో జూనియర్ ఎన్టీఆర్ కొరటాల శివ కాంబో సినిమాకు సంబంధించి వేర్వేరు వార్తలు ప్రచారంలోకి వస్తున్నాయి. ఎన్టీఆర్ కొరటాల కాంబో మూవీ నుంచి అలియా భట్ తప్పుకున్నారని రష్మిక మందన్నా, కియారా అద్వానీలలో ఒకరు ఈ సినిమాలో హీరోయిన్ గా నటిస్తున్నారని జోరుగా ప్రచారం జరిగింది. వైరల్ అవుతున్న వార్తలను తారక్ ఫ్యాన్స్ కూడా నిజమేనని నమ్మారు. ఈ సినిమా కథకు సంబంధించి వేర్వేరు వార్తలు ప్రచారంలోకి వస్తున్నాయి.
అయితే ఆచార్య ప్రమోషన్స్ లో భాగంగా తారక్ సినిమా గురించి స్పందించిన కొరటాల శివ ఆసక్తికర వ్యాఖ్యలు చేశారు. తన డైరెక్షన్ లో ఎన్టీఆర్ హీరోగా తెరకెక్కిన జనతా గ్యారేజ్ మూవీ బ్లాక్ బస్టర్ హిట్ గా నిలిచిందని మరో మూవీ చేయడానికి మేము ఉత్సాహంగా ఉన్నామని కొరటాల శివ కామెంట్లు చేశారు. ఎన్టీఆర్ మూవీ స్క్రిప్ట్ చాలావరకు పూర్తైందని పవర్ ఫుల్ గా, ఎమోషనల్ గా ఈ సినిమా ఉండబోతుందని ఆయన వెల్లడించారు.
ఈ సినిమాకు సంబంధించి ఇంతకు మించి ఎక్కువ విషయాలను వెల్లడించలేనని ఆయన చెప్పుకొచ్చారు. తాను పాన్ సౌత్ పాన్ ఇండియా అనే మాటలను నమ్మనని కథకు ఏది అవసరమో అదే చేస్తానని ఆయన చెప్పుకొచ్చారు. ఎన్టీఆర్ హీరోగా తెరకెక్కుతున్న సినిమాలో హీరోయిన్ ఫిక్స్ కాలేదని ఇప్పటివరకు ఈ మూవీ స్క్రిప్ట్ ను జూనియర్ ఎన్టీఆర్ కు మాత్రమే చెప్పడం జరిగిందని ఆయన వెల్లడించారు.
మే నెల 28వ తేదీన ఈ సినిమాలో నటించే నటీనటులు, ఇతర వివరాలను ప్రకటిస్తానంటూ కొరటాల శివ ఎన్టీఆర్ ఫ్యాన్స్ కు అదిరిపోయే శుభవార్త చెప్పారు. ఆచార్య రిలీజ్ తర్వాత కొంతకాలం గ్యాప్ తీసుకుని ఎన్టీఆర్ మూవీతో బిజీ అవుతానని ఆయన పేర్కొన్నారు. ప్రస్తుతం ఈ సినిమా కోసం భారీ సెట్ రెడీ అవుతోందని జూన్ నెల నుంచి ఈ సినిమా షూటింగ్ ప్రారంభం అవుతుందని కొరటాల శివ క్లారిటీ ఇచ్చారు.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
తెలుగులో అత్యధిక థియేట్రికల్ బిజినెస్ చేసిన సినిమాల లిస్ట్..!
‘ఆర్.ఆర్.ఆర్’ తో పాటు బాక్సాఫీస్ వద్ద భారీ లాభాలను అందించిన 10 సినిమాల లిస్ట్..!
