పవన్ కళ్యాణ్ హీరోగా క్రిష్ దర్శకత్వంలో హరిహర వీరమల్లు సినిమా తెరకెక్కుతున్న సంగతి తెలిసిందే. ఈ సినిమా మొదలైన తర్వాత క్రిష్ పవన్ అనుమతితో కొండపొలం సినిమా షూటింగ్ ను మొదలుపెట్టి తక్కువ రోజుల్లోనే సినిమా షూటింగ్ ను పూర్తి చేశారు. వైష్ణవ్, రకుల్ హీరోహీరోయిన్లుగా నటించిన ఈ సినిమా ఈ నెల 8వ తేదీన థియేటర్లలో రిలీజ్ కానుంది. కర్నూలులో ఈ సినిమా ఆడియో రిలీజ్ ఈవెంట్ జరగగా క్రిష్ ఈ సినిమా గురించి ఆసక్తికర విషయాలను వెల్లడించారు.
కొండపొలం సినిమాకు సంబంధించి తాను కృతజ్ఞతలు చెప్పుకోవాల్సిన వ్యక్తి పవన్ కళ్యాణ్ అని క్రిష్ అన్నారు. హరిహర వీరమల్లు షూటింగ్ కు గ్యాప్ రావడంతో మరో సినిమా చేసుకుని వస్తానని పవన్ కు చెప్పగా సినిమా చేసుకొని రావాలని పవన్ చెప్పారని అప్పటికి ఆ సినిమాలో హీరో ఎవరనే విషయం కూడా పవన్ కు తెలియదని క్రిష్ అన్నారు. పవన్ మాటల వల్లే కొండపొలం చేశానని పవన్, హరిహర వీరమల్లు నిర్మాత ఎ.ఎం.రత్నం అంగీకరించకుండా ఉండి ఉంటే ఈ సినిమా షూటింగ్ జరిగి ఉండేది కాదని క్రిష్ చెప్పుకొచ్చారు.
నేను, నా ఫ్రెండ్ రాజీవ్ రెడ్డి అమెరికాలో ఉద్యోగాలను వదులుకుని ఇక్కడికి వచ్చామని రాజీవ్ వల్లే తాను సినిమాలు చేయగలుగుతున్నానని క్రిష్ వెల్లడించారు. పడుతూ లేస్తూ కెరీర్ లో ఎన్నో ఒడిదొడుకులు ఎదుర్కొన్నామని క్రిష్ చెప్పుకొచ్చారు. కీరవాణిగారు తాను చేసిన మంచి సినిమాను గొప్ప సినిమాగా మలిచారని క్రిష్ తెలిపారు. రాజీవ్ వల్లే తాను కొండపొలం లాంటి సినిమాలను తెరకెక్కించగలుగుతున్నానని క్రిష్ పేర్కొన్నారు.
Most Recommended Video
హిట్ టాక్ వచ్చిన తర్వాత ఈ 10 సినిమాల్లో సీన్స్ లేదా సాంగ్స్ యాడ్ చేశారు..!
‘బిగ్ బాస్5’ ప్రియాంక సింగ్ గురించి ఆసక్తికరమైన విషయాలు..!
ఇప్పటవరకూ ఎవరు చూడని ‘బిగ్ బాస్5’ విశ్వ రేర్ ఫోటో గ్యాలరీ!
Home