పాన్ ఇండియా స్టార్ ప్రభాస్ నటిస్తోన్న చిత్రాల్లో ‘ఆదిపురుష్’ సినిమా ఒకటి. ఓం రౌత్ దర్శకత్వంలో తెరకెక్కుతోన్న ఈ సినిమాలో ప్రభాస్ రాముడిగా కనిపిస్తే.. సీత పాత్రలో కృతి సనన్ కనిపించబోతుంది. ఈ సినిమా సెట్స్ లో హీరో, హీరోయిన్లు ఇద్దరూ బాగా కలిసిపోయారట. ఈ విషయాన్ని కృతి సనన్ స్వయంగా చెప్పుకొచ్చింది. ప్రభాస్ కి మొహమాటం ఎక్కువని చాలామంది చెబుతుంటారని.. కానీ అతడితో పరిచయమైన తరువాత అవన్నీ తప్పని రుజువయ్యాయంటోంది ఈ బాలీవుడ్ బ్యూటీ.
అంతేకాదు.. ఓ విషయంలో తను, ప్రభాస్ బాగా కలిసిపోయామని చెబుతోంది. ప్రభాస్ పెద్దగా మాట్లాడడు అని చాలామంది తనతో చెప్పారని.. కానీ తన విషయంలో దానికి పూర్తి విరుద్ధంగా జరుగుతోందని చెప్పింది. మొదటిసారి ప్రభాస్ తో మాట్లాడినప్పుడు కాస్త మొహమాటంగా హాయ్ చెప్పారని.. ఆ తరువాత బాగా కలిసిపోయామని చెప్పుకొచ్చింది.
ప్రభాస్ చాలా మాటకారి అని.. చాలా సరదాగా ఉంటారని. మా ఇద్దరికీ ఓ కామన్ పాయింట్ ఉందని చెప్పింది. ప్రభాస్ ఫుడ్ బాగా ఇష్టపడతాడని.. తనకు కూడా ఫుడ్ అంటే బాగా ఇష్టమని.. బహుశా అదే మా ఇద్దరినీ దగ్గర చేసిందనుకుంటా అని చెప్పుకొచ్చింది. ఇలా ప్రభాస్, తను బాగా కలిసిపోయామని చెబుతోంది ఈ బ్యూటీ. ప్రస్తుతం ‘ఆదిపురుష్’ షూటింగ్ ముంబైలో జరుగుతోంది.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
