కామెడీ సినిమాలు చేయడంలో రవితేజ లెక్కేవేరు. మాస్‌ కమర్షియల్‌ హీరోగా ఆయన పేరు తెచ్చుకున్నా, కామెడీ సినిమాల్లో ఆయన టైమింగ్‌ ఓ లెవల్‌లో ఉంటుంది. అలాంటి దర్శకుడికి డిఫరెంట్‌ టైప్‌ కామెడీ తీసే దర్శకుడు యాడ్‌ అయితే ఆ ఫన్‌ మరో రేంజిలో ఉంటుంది అని చెప్పొచ్చు. అలాంటి ఓ కాంబినేషన్‌ చాలా రోజుల నుండి పెండింగ్‌లో ఉంది. రెండే సినిమాలు తీసిన ఆ దర్శకుడు.. ఆ రెండింటా తనదైన శైలిలో వినోదం రాసుకుని పండించారు. ఇప్పుడు మూడో సినిమా రవితేజతో అంటున్నారు.
రెండు సినిమాలు చేశారు అంటున్నాం… ఆ రెండు సినిమాలు చూస్తే తెగ నవ్వుకుంటారు అని చెబుతున్నాం… ఇప్పటికే మీకు అర్థమైపోయుంటుంది ఆ దర్శకుడు ఎవరో అని. అతనే ‘జాతిరత్నాలు’ ఫేమ్‌ అనుదీప్‌. ‘ప్రిన్స్‌’ అంటూ రెండో సినిమా శివకార్తికేయన్‌తో చేసే ముందు రవితేజతో అనుదీప్‌ సినిమా ఉంటుందని వార్తలొచ్చాయి. కథ చెప్పారని, దాదాపు ఫైనల్ అయ్యిందని కూడా అన్నారు. కానీ అప్పుడు ఆ ప్రాజెక్ట్ ఫైనలైజ్‌ అవ్వలేదు. అయితే ఇప్పుడు పూర్తిగా ఓకే అయ్యిందంటున్నారు.
రవితేజ ప్రస్తుతం హరీశ్‌ శంకర్‌ దర్శకత్వంలో ‘మిస్టర్‌ బచ్చన్‌’ అనే సినిమా చేస్తున్నాడు. హిందీలో మంచి విజయం అందుకున్న ‘రెయిడ్‌’ సినిమాకు ఇది రీమేక్‌. ఈ సినిమా తర్వాత ఏ ప్రాజెక్ట్ స్టార్ట్‌ చేస్తారు అనే విషయంలో క్లారిటీ మిస్‌ అయ్యింది. ఈ క్రమంలో రవితేజ దగ్గర వరుస కథలు ఉన్నాయని, వాటిల్లో ఒకటి ఓకే చేస్తారని అంటున్నారు. ఆ వరుస కథలతోపాటు గోపీచంద్‌ మలినేని సినిమా కూడా ఒకటి పెండింగ్‌లో ఉంది.
అయితే ఇప్పటికి అనుదీప్‌ (Anudeep) సినిమా ముందుకు తీసుకెళ్లే ఆలోచనలో ఉన్నారట. వరుసగా యాక్షన్‌ సినిమాలు, ప్రయోగాత్మక సినిమాలు చేస్తూ వస్తున్న రవితేజ పూర్తి స్థాయిలో కామెడీ సినిమా ఒకటి చేయాలని అనుకుంటున్నాడట. అందుకే అనుదీప్‌ సినిమాకు ఓటేశాడు అంటున్నారు. తొలి రెండు సినిమాల తరహాలోనే ఈ సినిమా కూడా పూర్తి స్థాయి వైవిధ్యమైన కామెడీతో నిండి ఉంటుందట.
గుంటూరు కారం సినిమా రివ్యూ & రేటింగ్!
హను మాన్ సినిమా రివ్యూ & రేటింగ్!
‘గుంటూరు కారం’ తో పాటు 24 గంటల్లో రికార్డులు కొల్లగొట్టిన 15 ట్రైలర్ల లిస్ట్..!
